Nama kebuah Taib Mahmud sanggup ngiruh sereta ngikak diri datai ngulu ‘pengerami’ ngelai 40 taun kompeni besai penginsap darah, CMS, ngambika iya ulih ngena peluang iya madah ngagai orang mayuh ba pengerami nya iya nadai sebarang kaul dalam kompeni nya, ti endur bala sida sebilik mayuh agi syer dipegai sida?
Lebuh maya iya ti bejaku ba pengerami nya iya udah kutap-kutap belunjakka jaku iya ti ngenggaika tuduh orang mayuh nya!
Nadai siku orang ngembuan ulah kurang bansa ba sebengkah pengerami baka nya madahka CMS nya udah ngengkahka jari sida atas tiap iti kontrak di Sarawak.
Nama kebuah Kepala Menteri/Menteri Pekara Wang/Menteri Perambu Pengawa enggau Pengeraja Asal ngasaika iya patut bebula semua penemu orang mayuh nya, maya nya?
Suratberita di menua Sarawak udah mampul pending sida ngagai utai ti disebut Taib maya nya, tang bala orang di nengeri Kuching tentu deka nemu seraya sida iya deka ketawa geli ati ke ulah Taib ti udah besak nya.
Taib nya tentu begagai aja!
Peda kita sapa ti ngempu CMS, ti endur Taib lantang bendar ati madahka pasal pemayuh-mayuh projek ti udah dipejalaika kompeni nya ngarika perintah Sarawak ti betuaika iya suba, lalu menua Sarawak tau enda ibuh numbuhka siti konsortium awam dikena ngemansangka ‘pelan induk SCORE’, ti endur udah mayuh duit menua udah dipasukka dalam kompeni nya.
Enggau jaku bukai sayap proksi pemansang menua Sarawak nya, ti nyadika perengka dalam polisi awam, nya sebuah kompeni enggi Gabeno Sarawak nya sebilik ti bekuasa nya, ti terus ngulihka pengaya nengah semua macham projek besai-besai di menua nya.
Baka nya, Adenan Satem Satem, udah suah bendar madahka tuju asal SCORE nya ukai tuju ti bendar dalam polisi perintah ti betuaika iya.
Nya endang dipejuraika entara iya enggau bakih iya, Taib Mahmud, lebuh iya nerima tuduh mangku pengawa kepala menteri iya suba.
Udah kelalu mayuh disebut dalam sempekat beintegriti.
Belaban penemu enggau jaku bebulaka tuduh ari Taib enggau sanding penemu ti diberika ngagai kedai rega murah Kedai Rakyat 1Malaysia, lebuh iya ngusung opis Tanah & Survei lebuh ngiga tapak kedai di Kuching.
Chara ti engkeman sida dikena ngulihka pemendar perintah, baka ti diajar bala pemesai perintah, nya meli tanah ke CMS lalu udah nya ngasuh CMS ngaga projek ba atas tanah nya!
Agi mega, sebutka nama projek perintah ti dilanggur ke nengeri Kuching ti enda kala diberika ngagai kompeni CMS.
Ambi ke chunto, dua buah projek ti udah dikemendarka nyadika pengari dua iti opis ti digaga ba atas Tanjung Kuching, digela enggau nama Menara Gateway Kuching.
Opis SEDC engga opis LCDA nya endang udah kala dipegai Taib ngena genggam besi dalam pengelama tiga puluh taun.
Diatu sebuah rumah opis perintah ti baru nya udah digaga ngena duit menua ba rega RM70juta sebuah-sebuah.
Endang baka selama mega, nadai tender dibuka ngambika diperebutka bala kontraktor.
Enggau nya, pengari parti penyakal DAP, Chong Chieng Jen, udah nanya sekali ke dua bengkah opis SEDC enggau LCDA nya endang beguna bendar ke rumah opis ti bari sereta besai nya didirika ba endur ti bedau mansang bendar.
Terang bendar Taib ngenuluka penguntung ke kompeni-kompeni sida sebilik, ari ti ngira penguntung ke orang mayuh ba pekara tu.
Enda mayuh orang nemu Taib patut netapka ati enggau runding bala pengabang ti ngulu pengerami kompeni CMS lemai nya ti endur iya madahka diri nadai “bulih bagi” ke iya empu.
Tang sebedau iya belabuhka projek ti enda tentu ditemu guna bendar nya (ti udah dilanggurka bos sida, Taib Mahmud) dua buah opis perintah (SEDC enggau LCDA) nya dipejal iya meli tanah tapak opis sida empu nya – ari kompeni CMS Land Sdn Bhd.
CMS udah minta rega RM5juta ari SDEC dikena sida meli seekar tanah atas Tanjung Kuching nya.
Tambah mega Taib udah ngemendarka endur nya nyadika kandang pemansang prima di negeri Kuching lalu merintahka mayuh duit puku diperanakka dia dikena nyukung rega tanah di endur nya.
Ari nya CMS udah netapka rega lalu pengawa jual beli nya dipejuraika seraya dikemataka Abdul Taib Mahmud empu, beberapa minggu sebedau iya badu mangku pengawa kepala menteri, lalu dah nya iya dichiri nyadi Gabenor.
Nadai ‘besangkal’ ba maya nya.
Udah nya lanun tuai nya lalu enggau jampat ninggalka bilik jurai projek lebuh bala nembiak iya besainka kontrak, siti chara dikena iya nyaga diri empu awakka enda ulih ditekanka salah raban penawa SPRM ti tau ngumbai bisi bagi enti sema pengawa nya nyadi kes didawa dalam kot!
Bala pemachatentu deka betanya, baka ni CMS tau bulih lalu bempu semua tanah dalam zon tanjung nya?
Saut iya tau dikaitka ba pemidik ti enda dikachau sapa-sapa dalam pengelama tiga puluh taun ba siku tuai menua ti bependiau kleptokrat ti rangka.
Dalam taun 1996 suba, Taib ditemu kala meri sebuah projek yang kontovesyel ngagai kompeni CMS, iya nya projek ngaga sistem penagang bah di Kuching.
Projek nya udah tembu, tang diatu nitihka orang ti diau di endur nya, projek nya enda mujur nagang segang bah.
Maya nya kompeni nya dipegai sida Taib sebilik, enggau menyadi iya empu, Onn Mahmud megai 17% syer, lalu udah nya diserahka iya ngagai niang bini Taib agi bini iya nya idup suba.
Taja pan bisi ngembuan “bagi ke diri empu” ba syer tu, Taib endang selalu lantang ati nyerahka projek penagang bah di Kuching nya (baka projek bukai mega, ti nadai diperebutka ngena sistem tender) ngagai CMS ba rega RM60juta.
Ngena sempekat nya iya udah nyintak 275 ekar tanah ba atas Tanjung Kuching, ti lalu dibagi iya ari tanah menua, ba rega RM300,000 seekar.
Beberapa taun udah nya, lalu udah ti ngubah tikas tanah di endur nya nayadika ‘zon pemansang’ ditikika agi ngagai rega RM5juta seekar!
Baka nya mih gaya pemendar Taib bejalaika atur pengawa perintah menua iya dalam pengelama 30 taun tu.
Diatu Sarawak Report enchabar Abdul Taib Bin Mahmud awakka nyaman sereta nawa kami laban kami ngumbai iya mantaika pemula enggau pemanggar bula meletup iya ngagai bala pengabang pengerami ulang taun ke-40 kompeni CMS.
Kompeni tu ti udah ditumbuhka nyadi kompeni pengeluar simen enggi perintah menua, udah ngerembai nyadi kompeni ti kaya raja sekumbang ti dipegai bala sida sebilik, terima kasih ke Taib tgi “beambika peluang” ari penuduk iya dalam perintah.
