Sarawak Report udah mujur tetamuka sekeda rumah berega mar di Beverly Hills, San Tropez, Paris enggau New York, kelimpah ari sejarin kelab malam Las Vegas enggau sejarin hotel enggau restoran betikas entarabansa, nyadi ke enggi pengerusi Aabar Investment ti udah badu gawa, Khadem Al Qubaisi.

Diatu, enggau wang turu 1MDB enggau mega wang turu Aabar enggi menua Abu Dhabi majak ngasaika pengerugi ti udu, nyerumba sekeda pansik ba pengawa dagang ti udu dituntung jaku tanya bekaul enggau dua bengkah wang turu nya, kami mega tetemuka mayuh agi dagang besai-besai ti enggi Khadem di sebelah nengeri New York enggau mega di endur ti bukai.

Tu nyengkaum pemansang tanah berega pemadu tinggi di nengeri Manhatten, iya nya rumah tinggi pemadu mar sereta pamadu manah dipeda ba One57 West 57th Street, ti endur rumah bebansa penthouse ke dudi tu dijual ba rekod rega tinggi ari US$100 juta ke terubah iya.

Pengawa pemansang tu dipelanja kompeni Tasameem Real Estate LLC, sebengkah kopeni enggi Khadem Al Qubaisi, ti sama begempung enggau Aabar empu, ti bepengerusika Khadem ti mansutka tiga bagi ari empat bagi duit jali ke projek nya.

Bantai berita tu ti nyungkak jaku tanya bekaul enggau janjang pengawa, ti pansut ari repot Wall Street Journal ba pun minggu tu ti ngamatka penerang ti madahka raban penerit undang-undang menua Switzerland benung mansik bank Falcon enggi Aabar, ti dikuasa Khadem ti udah kala mindahka RM2.6 billion ke dalam akaun enggi Menteri Besai Malaysia Najib Razak.

One57 West 57th Street nya sebuah ari jarin pengawa pemansang ti disungkak kompeni Extell, ti dikemataka siku jutawan New York, Gary Barrett, ngena bantu ari wang turu Abu Dhabi.

Berebak enggau nya Khadem udah dikenang mayuh suratberita di Las Vegas ke pengawa iya begagaka sejarin kelab malam nengah Tasameem ti ngena nama Hakkasan.

Dagang kunsi iya ke diatu nya deka dikerembaika iya ngagai nengeri Jakarta di Indonesia ti disadang deka meri mayuh agi penguntung ke pengerusi iya, Neil Moffitt.

Enggau potfolio dagang ti besai dalam jari Khadem udah nyungkak jaku tanya baka ni Aabar bulih kuasa ngeluarka belanja besai kenyau ari 2008, lebuh sida disebutka nyadi pengari Sheikh Mansour maya nebus bank Barclays?

Khadem udah dibuai ari pengawa ti dipangku iya di Abu Dhabi, nyengkaum pengawa nyadi pengerusi dalam Aabar enggau nyadi CEO dalam IPIC ba pun taun tu, udah bekau Sarawak Report mantaika pasal pengawa dagang 1MDB – nyengkaum ngeluarka bayar US$20 juta ari akaun kompeni Good Star, ti enggi apek bayat Jho Low.

Sapit Khadem, Mohd Badawy al-Husseiny (ti kala ngaku diri melanja projek ngaga filem enggi Riza Aziz) udah mega dibuai ari pengawa iya dalam sekeda gerempung wang turu Abu Dhabi.

Tang ba 1MDB enggau Aabar ti majak bekaul nengah atur nginjau duit enggau pengawa bekunsi dagang ti manggai bebillion-billion dollar, bala pemesai sida ti udah badu bekereja ba sida mengkang ulih bebelanja besai-besai peneka ati sida.

Di sepiak Malaysia Jho Low agi mengkang ngasaika penyamai dijaga penuh Najib Razak ari kena tumpu jaku tanya pasal pengusut belanja dalam 1MDB ba penyampau RM42 billion, tang iya mega direpotka selalu bebelanja beratus juta dollar ba mayuh macham pengerami, meri duit pemeri pengasih enggau beranakka puku ba mayuh bengkah pengawa dagang di menua US dalam kandang setaun tu.

Nyerumba nya Aabar ti nyadika anak kompeni IPIC, udah direpotka lenyau lebih kurang US$50 billion lebuh sida dikemataka Khadem.

Siti utai ti berupai dalam skandal ti tau ditanya nya penyaru runding baka bakih dagang pasal pengempu Tasameem ke bendar, ti udah nya nyadi pengempu kelab malam Hakkasan, sejarin hotel enggau restoran kelimpah ari pengawa dagang di New York enggau mayuh agi projek pemansang besai-besai di Timur Tengah.

Baka selama nya disebut nyadika enggi perintah Abu Dhabi, baka One57 West 57th Street:

Ke bendar Aabar beranakka mayuh bendar puku dagang dalam projek, munyi ti dikamatka sekeda dokumen chagar ti disain sapit Khadem, Mohd Al-Husseiny.

Nitihka repot, lebuh Aabar datai mantu ba pengawa nyagar nya, Tasameem endang udah bisi megai sher dalam dagangkunsi nya. Dua iti wang turu nya udah bekunsi bempu 88% ari rumah nya, ngena duit puku dagang US$650 enggau untung ari dagang lebih kurang sebillion dollar. Aabar direpotka maya tiga ari empat bagi belanja nya, lalu berapa bagi enggi iya dalam projek nya?

Sarawak Report madahka nyerumba nya bisi sebuah kompeni benama Tasameem, ti mampang ari kompeni ADIA, iya enda tau dikumbai sebaka enggau kompeni Tasameem LLC ti enggi Khadem enggau bakih iya Kalfan al Qebaisi, enti nitihka dokumen kot ti dikeluarka di menua US.

Penyaru runding ti sebaka nya udah ngerembaika dagang restoran enggau kelab malam ti ngena nama Hakkasan, ba asal iya nama ke sebuah restoran China di nengeri London ti endur kepala Khadem ti benama Sheikh Mansour kala makai ba endur nya.

Hakkasan ti dipunka Neil Moffit, siku peranak Britain, udah ngeregaska agi dagang bepengerami sida di Las Vegas enggau di endur bukai, udah nyungkak sekeda laya kot ari munsuh dagang iya.

Suah bendar disebut kompeni tu enggi perintah Abu Dhabi nengah nama ADIA:

Ke bendar iya, baka ti diperetika Sarawak Report, lebuh kelab malam nya dikena ngemuaska ati Khadem, dagang nya ukai peneka perintah Abu Dhabi.

Tuju guna duit Aabar dikena dikena nyukung dagang Khadem dipeda bisi siti chura. Sarawak Report udah mantaika peminta dalam kot ti endur Khadem ba pun nya megai sher pemadu mayuh dalam kompeni Edgeworth ti sebagi ari nya dikena meli rumh emadu mar di Eropa, Santander di nengeri Madrid.

Dagang Khadem ba Edgeworth dipelanja ngena duit jali ti dijamin Aabar, munyi ti disebut dalam dokumen kot. Iya udah ngena bala bakih dagang iya baka sida Robert Tchenguiz, ngambika ngelamun pengawa dagang iya kompeni nya (disadang manggai 80%) ti endur chara purata Aabar megai 50% laluh duit injaiu Santander ti dibeli ari Royal Bank of Scotland.

Pengamat ti mar dikeenggaika nya pemanah kaul Khadem enggau Jho Low enggau injin dagang iya, 1MDB. Pengawa Al Husseuiny ke penudi dalam Aabar sebedau iya dibuai ari pengawa nya nanggung utang 1MDB ba penyampau US$3.5 billion, ti mar bendar dibayar pulai wang turu Malaysia nya.

Belanja besai ti nyelai ba dua iku bakih ti sama rindu beperindang nya, ngasuh orang mayuh beba runding ukai semina di Malaysia tang mega ba sebuah menua pemadu kaya di Timur Tengah.

Pemindah duit ba penyampau ti mayuh enggau chara ti nyelai ti bekait enggau wang turu perintah enggau bala orang politik ti udah dipilih rayat sida empu nya udah narit mayuh bala auditor dalam, bala pakar pekara bank enggau bala pakar pemunas penyalah ngubah duit.

Bank Falcon udah ngerepotka penguntung 7.5 juta franc Switzerland ba taun nyin kemari. Aset sida mega niki 8.7 juta franc ngagai 15.6 billion franc sebedau taun 2014 belabuh.

Lebuh Falcon Bank agi diempu AIG, nyau ka setengah ari sida nya peranak menua Switzerland, 3% datai ari Tengah enggau Timur Eropa lalu 7% ari Timur Tengah, Asia enggau Afrika. Diatu semina 23% ari sida nya peranak menua Switzerland, 20% ari Tengah enggau Timur Eropa, lalu 25% ari sida nya datai ari Timur Tengah, Asia enggau Afrika, nitihka penerang data bank nya empu.