Dalam penerang besumpah iya, menyadi Kevin Morais ti udah mati dibunuh udah ngamatka, kemari, Kevin nya endang diberi tanggungpengawa mansik Menteri Besai Najib Razak bekaul enggau penyalah salah atur ba pekara duit 1MDB ti bisi kaul enggai kompeni SRC International.
Charles Morais madahka bala pengarang berita iya enda arapka tuju nangkap lalu munuh menyadi iya nya bisi bekaul enggau pengawa iya ba kes makai suap ti bukai, ti endur beberapa iku lelaki udah napi pechara.
Ketegal ti bendar ba penemu iya, laban Kevin nya endang udah kala nuliska perambu keretas tuduh dikena becharaka Najib Razak lalu iya mega udah ngirumka salin keretas nya ngagai Sarawak Report, udah bekau Najib muai Lawyer Bansa enggau sekeda menteri dalam kabinet perintah iya.
Utai ti jai agi nya, Kevin udah meri penerang ngagai Sarawak Report ti madahka iya bisi mayuh penerang lalu besedia deka mansutka semua penerang nya. Tu mih kebuah Charles Morais udah minta bedah pansik dipejalaika ba bangkai Kevin kali ke-dua ngambika dikena ngenegapka agi penerang pasal pemati Kevin.
Orang mayuh nemu kena 28hb Julai tu tadi, Najib Razak udah bejalaika atur ti dikumbai iya dikena ngapuska ‘konspirasi’ ngelaban iya. Sarawak Report bisi bulih penerang ari mayuh pun ti madahka tuduh nya ditujuka ngagai iya bekaul enggau wang ti dikeluarka ari kompeni-kompeni ti bisi kaul enggau 1MDB.
Bala pemesai ari opis Special Branch udah nganti penatai Gani tama ngagai opis iya pagi nya. Raban polis Special Branch nya udah nagang iya tama opis laban enggai ke iya meresi opis iya, sebedau sida ngasuh iya pulai ke rumah enggau pejal diiring sida.
Udah nya Najib lalu mansutka jaku gerah madahka Abdul Gani Patail udah badu bekereja ‘laban penanggul pengerai’ – siti atur ti salah ba undang-undang pengereja pengawa.
Ba sehari nya mega Najib udah muai sekeda orang kanan iya dalam politik, pemesai pengemata undang-undang ti kala didinga iya inggar pasal pengelenyau duit ari 1MDB enggau mega wang turu orang penchen.
Pengawa nyerungkai opis Lawyer Bansa nya mega udah dipejalaika dikena ngemunaska semua macham keretas enggau surat penerang, kelimpah ari nangkap lalu muai sekeda pemesai opis nya ti bisi bekaul. Semua surat udah diapuska – nyengkaum penusah angus ti nyadi ba Indu Opis Polis Bukit Aman sehari udah nya, ti disadang kala tetemuka pengelenyau sekeda penerang bekaul enggau pansik ba atas 1MDB.
Tang pengawa ti nguji ngapuska semua penerang nya agi puntan. Dua tiga hari udah nya Sarawak Report bisi nerima sebuah emel ti nyebut “Tu mih kebuah Gani Patail dibuai ari pengawa nyadi Lawyer Bansa”. Disangkingka ba emel nya segempung keretas tuduh dikena ngelaban Najib Razak bekaul enggau penanggul 1MDB.
Udah tembu bejalaika pansik ti silik dikena nentuka pengamat surat nya, Sarawak Report lalu ngeluarka cherita nya ba laman blog tu.
Penerang pasal atur nerima keretas tuduh nya udah dirusak ba sebengkah chara nutup kes nya lalu mayuh agi penerang deka tebantai ila.
Najib udah betindak balas ngelaban Sarawak Report, nyengkaum ngaga atur nyekat Sarawak Report, ngeluarka waran tangkap ba Editor iya (tang bedau mujur) enggau chara minta polis entarabansa Interpol ngerintaka nama editor blog nya ba Notis Mirah, ti ngayanka ati Najib balat ensiban ke pekara nya.
Ba pun nya, bala orang ti setanah enggau Najib madahka semua keretas tuduh ti dikeluarka Sarawak Report nya pelesu. Tang enda lama udah nya, sekeda bala menteri madahka sida udah ngena atur ti berupai agi muai sekeda orang ti kenu ku sida nya bisi langgur deka numbangka najib lalu ngumbai keretas tuduh nya pelesu nya sebagi ari atur sida nya.
Enti sema keretas tuduh nya pelesu/bula, nama “langgur” iya?
Charles Morais pechaya bendar orang ngambi tindak ba Lawyer Bansa nya lalu pengawa nutup pansik pasal pemindah duit ari kompeni SRC International enggau chara niriska keretas tuduh nya endang niang menyadi iya empu, Kevin.
Ba penerang iya nya iya mansutka kebuah dikena nyukung penemu iya, tang utai ti ulih dikamatka iya nya Kevin endang siku orang ti udah dikarapka opis Lawyer Bansa mansik 1MDB. Dua tiga minggu dulu ari nya iya dikangauka bekereja ba opis nya ari opis SPRM ti ngatur sebengkah kes ti sensitif.
Sarawak Report udah meri timbal iya bekaul enggau pun penatai penerang, dikena nerangka kebuah iya mantaika keretas tuduh nya.
Jaku tanya ti tegap, nama kebuah Charles Morais ti udah diberi tanggungpengawa chara ofisyel ba atur mutarka pemati niang menyadi iya, udah balat bendar ditekan ngambika enggau jampat nunu bangkai menyadi sida nya lebuh iya minta bedah pansik kali kedua nya dipejalaika?
Charles Morais diatu udah ninggalka menua Malaysia lalu ngenduh di Amerika Syarikat, udah madahka ngagai Sarawak Report iya udah ditekan kepala Kevin ti dulu suba ngambika ngapuska bangkai Kevin, lebuh pekara nya ukai pulai ke guna sida.
Nitihka iya, ba bulan nyin kemari iya suah bendar dikangauka opis Lawyer Bansa ngambika mansutka bangkai niang menyadi iya nya ngambika lalu ditunu. Tu patut dikereja sida sebilik taja pan dulu ari repot pemati Kevin nya bedau dikeluarka.
Charles mega madahka Lawyer Bansa ti baru nya udah kala nemuai ngagai bala menyadi iya ti bukai laban deka nyuaka pemeri pengasih RM580,000 ke pemati Kevin, nyadika pampas sida udah setuju nutup dokumen nya.
Charles madahka iya mengkang enggau nerima duit nya, tang laban siku ari menyadi sida nya udah belalai ngereja nya, dipelaba udah enda madahka diri besetuju enggau atur ari opis Lawyer Bansa nya.
Opis Lawyer Bansa diatu patut nerangka enggau silik nama kebuah orang diri sebilik ti kala bekerejaka opis sida balat ditekan kepala Lawyer Bansa nya?
Nama kebuah sebengkah opis perintah tu masuk champur lalu mantah bedah pansik kali kedua lalu nama kebuah opis nya udah mujuk siku ari sida Morais nya besetujuka umbuk sida ngmabika nunu bangkai Kevin?
Tu, sekali agi, kes bunuh udah dikereja sekeda orang ti ba penuduk ti bekuasa di Malaysia.