Sarawak Report udah diterangka pasal bala pakar undang-undang ti benung mansik ulih tauka enda endur sida ngenataika sebengkah kes dikena ngelaban sekeda bank ti bisi bekaul enggau 1MDB.
Sekeda bala orang ti ngenataika petisyen nyengkaum sekeda orang dalam perintah Malaysia empu (ti deka ngambi pulai duit bebillion-billion; 1MDB empu tauka sekeda institusyen baka Bank Negara Malaysia, ti udah mantaika serebana pasal pengelenyau duit ari menua Malaysia ari wang turu pemansang nya.
Sekeda bank ti udah ngelanggar atur pemanah pengawa bank nyengkaum Goldman Sachs, udah bulih mayuh untung ari pengawa ngangkatka tiga renggat bon ke 1MDB – sebengkah atur ngira komisyen ti dikumbai kelalu tinggi.
Bisi jaku tanya beaul enggau atur nyelai ngangkatka bon ti dikereja chara belalai, ti udah ngujungka mayuh ag udah lenyau ari 1MDB beduduk ba terma ti digaga bank pemadu besai ari menua US nya.
Sebuah kompeni undang-undang Britain udah belabuh muka kes besai ti sebaka, dikena sida ngelaban Goldman Sachs ngarika Kompeni Wang Turu Libya, ti udah lenyau mayuh duit ari dagang puku sida udah ti dipejalaika bank nya.
Kompeni Wang Turu Libya nya arap bendar ke ulah bank ti ngelakar nya ti endur bala pemesai sida udah ditipu awakka ngaga pemutus penemu ti mai pengerugi besai lalu nguntungka bank nya ngena chara ti salah.
Kes di menua Libya nya nyau ka sebaka enggau 1MDB ti sengaja salah atur.
Pia mega tindak undang-undang ti sebaka udah dikena ngelaban bank ti sama nya bejalaika pengawa ba transaksyen ti udah ngelabuhka sistem duit enggau pekara dagang di menua Greece.
Pendiau enggau ulah jai sekeda bank bukai ti kala dibantaika dalam skandal 1MDB nya baka bank BSI (Switzerland), Falcon Bank (Abu Dhabi), Coutts (UK) enggau JP Morgan (US). Kelimpah ari nya Deutsche Bank mega bisi bekaul dalam skandal enggau 1MDB, lalu mega AmBank.
Bisi pengingin ti udah diayanka sekeda tuai di Malaysia dikena ngambi pulai duit ti udah lenyau tauka dilalaika nya. Tang Menteri Besai / Menteri Pekara Wang Malaysia Najib Razak udah beguai-guai nutup semua pansik ba pengelenyau duit bebilllion-billion dollar ari 1MDB.
Tang, enti sema perintah ke diatu deka ngubah runding sida, piak ti bekaul dalam pechara deka arapka sistem bank entarabansa deka nyadika jalai ti manah dikena ngelalau sekeda institusyen wang ti udah lupa ke tanggungpengawa sida ngagai bala klien sida di Malaysia.
“Tu mih siti chara endur sistem bank dunya tau diasuh ngereja pengawa manah ke klien ti udah dikeduan sida ngena ulah jai sida” pia ku siku pakar ekonomi madahka ngagai Sarawak Report, ti nusui pemanah pengawa raban lawyer enggau pemansik pekara wang begiga aset ti dilalaika di sebelah dunya tu, ngarika orang mayuh ti udah kena keduan sekeda bank ti amu.