Udah bekau beberapa iti jaku emba ngagai pengeluar enggau penyadung bup sida baka kompeni Amazon, gerempung NGO Bruno Manser Funds (BMF) udah mansutka jaku chabar sida ngagai bala lawyer ti ngarika Gabenor Sarawak, Abdul Taib Mahmud sekali ke sida deka bejalaika jaku serebana sida tauka badu agi beduan bala orang ti ketiga dikena nagang pengawa nyual enggau nyadung bup Money Logging – On the trail of the Asian Timber Mafia, ti deka dilancharka di nengeri London minggu nyin ila.

Ditu kami nyelak lalu mandangka sepuchuk surat yang bepenerang Kediri empu ti ditujuka ngagai kompeni lawyer Mischon de Reya ti benung chakah ngarika Gabenor Sarawak Taib Mahmud nya.

Kompeni lawyer nya balat bendar muji anak guaman sida, ti mayuh agi bala sida nya bala orang ti kaya raja lalu udah balat bendar ragak ngelindung ‘orang siku-siku ti kelalu kaya lebih ari patut’ ari menua Malaysia, ti dipelabaka kami nya Taib Mahmud, ari kena bantah bala pengarang berita, diatu udah belabuh ngeluarka jaku emba sida laban ngujungka bala anak guaman sida nya enggau “pengerusak ti balat” ba bulan Sepuluh nyin kemari.

Kompeni lawyer nya udah madahka ngagai kompeni Amazon enggau kompeni pengeluar Bergli Books, enggau pengeraja anak guaman sida nya, ngujungka ungkus “pengerusak” deka nyadi tinggi agi ari selama, laban pengerusak nya ngamahka “pemanah nama pengawa dagang” Taib Mahmud.

Gerempung BMF nya udah madahka Taib Mahmud nya endang enda patut bedagang ngambika nyadi kaya raja lalu iya mega enda patut bejalaika sebarang pengawa dagang, ba pengelama iya ti mangku pengawa menteri dalam perintah iya.

NGO BMF nya madahka kompeni Mischon de Reya nya patut matak pulai jaku emba sida ti ngarika anak guaman laban naka ke diatu nadai siku ari bala orang ti kena emba nya udah ibuh ke jaku emba enggau keruga sida nya.