Langgur ti ngenyitka ti dipansutka Najib ti deka ngukum sebarang sapa ti semina ngenang pasal Borneo ti deka merintah diri nya nadai ditimbal Kepala Menteri Sarawak Adenan Satem enggau Gabenor Taib Mahmud.
Ba pengelama lebih dua puluh taun tuai menua dua iku tu seruran begendangka semengat menua Malaysia Timur, nyerumba seduai megai perintah di menua Sarawak sebaka genggam baka raban UMNO.
Berita ti ngenyitka kitai diatu nya baka ni bansa Melayu/Melanau endang seruran dikenuluka dalam atur niki pangkat ba opis-opis perintah di menua Sarawak, tang anak bansa Dayak diiyarka ke tisi belama, nadai deka mantu ngelalaika utai ti bendar.
Enggau nya raban bansa Dayak di Sarawak diatu benung nganti nama utai ti disebut Adenan Satem pasal emba Najib ti deka ngejil bala bujang berani Dayak Borneo ti semina berandauka diri ti deka matak diri ari serakup Malaysia lalu merintah diri.
Najib mega deka ngejil sapa-sapa orang ti ukai Islam ti enda ngayanka basa sida ngagai orang Islam ti tuchi nya – ti nyadika sebengkah jaku emba ti balat ngeruga pengelantang semua orang di Malaysia Timur.
Nama kebuah Kepala Menteri nya enggai angkat ngarika orang bansa asal Sarawak lalu mantah langgur atur baru ti dipeda tau bendar ngeruga orang ti ukai Islam, ti disadang tau nyukung talat jaku ti madahka semua nya manah memagang dalam Borneo sebedau sida nanggam gempung enggau perintah BN Malaysia?
Laban, sebuah da agi penerang Menteri Besai Najib Razak ti enda ditimbal Adenan Satem iya nya pasal penama 12,000 iku anak kuli ari menua Bangladesh ke dalam menua tu, ti ditaga ke nyukung pengawa dagang kompeni-kompeni ti dikuasa perintah rejim BN ti bejalaika pengawa sida atas tanah bansa Dayak di Sarawak.
Tuai menua nya udah ditemu ngatur penemuai bejalaika pengawa dagang ke menua Korea Selatan (disempulang anak lelaki iya Aziz Bin Adenan Satem ti nyadika penyanding penemu iya) dikena narit pengawa dagang ke menua Sarawak.
Pengari ari kilang kimia udah dipeda bisi ati deka muka kilang sida di Sarawak, ti udah nya nyungkak mayuh agi jaku tanya ila.
Nama penguntung ti deka diasaika kilang kimia ti deka dibai tama bekereja di Sarawak ti tentu deka ngena tulang urat anak kuli ti murah lalu nama penguntung ti diberika ngagai perintah Sarawak?
Penerang ti dulu agi nunjukka nadai siti pan peluang bekereja ke orang Sarawak empu tauka asil ti diulihka nya tau nguntungka raban bansa asal ari pengawa dagang ti dibai tama nya.
Enggau nya, tu dikena kitai belabaka ‘nembiak penyanding penemu’ ke Kepala Menteri nya ila deka mansutka jaku madahka kini penunga asil ari pengawa dagang nya dipasukka ila?
Nama penemu Adenan Satem pasal penama bebala mayuh anak kuli ari menua Bangladesh?
Tu mai kitai ngagai sebuah agi isu ti narit ati enggau runding kitai.
Laban, sebuah da agi penerang Menteri Besai Najib Razak ti enda ditimbal Adenan Satem iya nya pasal penama 12,000 iku anak kuli ari menua Bangladesh ke dalam menua tu, ti ditaga ke nyukung pengawa dagang kompeni-kompeni ti dikuasa perintah rejim BN ti bejalaika pengawa sida atas tanah bansa Dayak di Sarawak.
Seraban ti besai bala lelaki Islam diatu benung diasuh tama ngagai serata sukut di menua Sarawak ngambi endur orang bansa asal.
Baka ti disadang, sida mai penanggul enti sida diasuh diau begenturung enggau orang bansa asal, lalu sida dipilih datai ari menua ti bepengarap enda sebaka enggau mayuh agi orang di Sarawak.
Sida udah nebang kayu dalam kampung enggi orang bansa asal, muka kebun dandang besai sawit, ngulihka minyak, ngulihka asil tanah ti bukai, bekereja ba tapak ngaga rumah enggau pasar, bekereja dalam palan pengelebur besi … lalu baka selama mega, nadai nguntungka orang bansa asal di menua Sarawak empu.
Pengawa ngaga sereta ngeluarka barang meri penguntung ke mimit bendar nengah chukai ke menua Sarawak – lalu nembiak raban bansa Dayak Kristian dikumbai ngelusu, enda nemu lalu enda landik bekereja, enda pandai besekula baka bansa bukai.
Menteri Iban ari BN, James Jemut Masing, suah bendar didinga mansutka penerang ti nyengala sereta bendar pasal pekara enggau penanggul ti nekul raban bansa iya empu.
Iya enggau sekeda tuai bansa Dayak ti bukai tau nganti diri ti betemu enggai penempa sida empu endur sida ngenataika serebana sida – tauka meri penemu ba perambu undang-undang dikena minta ngagai Adenan Satem mantah undang-undang baru ti dipansutka Najib Razak nya.
Raban apek bayat Mafia sawit
Gaya di menua Sarawak tentu meruan agi datai ba maya endur sebarang sapa orang bansa asal ti deka nanam sawit ba tanah diri empu, dia iya patut builih pemendar ari MPOB.
Enti perintah enda ngeluarka lisin nanam nya, iya enda tau nanam nya sepeneka ati iya, taja pan ba atas tanah pesaka enggi aki ini diri empu.
Tang enti iya mujur bulih lisin pan, iya diasuh nanam enda ngelui ari penyampau pun ti udah ditetapka ba iya.
Lalu enti iya bisi buya ngeruga siti ari kompeni kroni-kroni BN, ti udah diberi tanah kebun dandang besai, ambi ke banding, enti iya udah menang bechara ngelaban kompeni nya, MPOB deka ngena undang-undang sida empu dikena nagang iya nyual asil sawit nya ngagai sebarang kilang di serata menua Sarawak nya.
Enggau nya, ari sepiak ni Adenan Satem berindik lebuh iya ngeluluka diri rauh-rauh sereta kutap-kutap bejaku ngarika orang bansa asal Sarawak?
Baka ni perening Kepala Menteri nya ba langgur Najib ti deka ngukum sapa-sapa ti semina berandau tauka begagai ngena jaku mai Sarawak enggau Sabah ngingkaska diri ari serakup Malaysia, lalu nama penemu iya ba langgur pra-bepilihbesai dikena mai tama 12,000 iku anak kuli bebansa Bangladesh ke menua Sarawak?
Bisu-tuyu seribu jaku nya ukai pemilih ke Adenan Satem, tang saut iya ke semua jaku tanya nya endang diguna orang mayuh amat-amat.
Sarawak Report bisi siti agi jaku tanya ti ke penudi ke Kepala Menteri nya, iya nya, sapa ti melanja tambang enggau endur diau sereta makai-ngirup anak iya Aziz Bin Adenan Satem lebuh iya nyempulang penemuai apai iya ke menua Korea Selatan suba?
Tauka, enti iya sama dalam raban temuai nya ngena kapasiti ti ofisyel, nama batang pengawa ti ngasuh iya ulih nyempulang penemuai nya?
Agi pendiau bisu-tuyu seribu jaku tau diperatika kitai mayuh tu.
PENERANG TAMBAH: RIMBUNAN HIJAU NYUAL KELUAR CHARA PENGAWA DAGANG SARAWAK KE SERATA DUNYA
Bacha penerang ti nangkanka tu udah bekau pemetang Borneo ti mungkur raban bansa asal ti bukai, nyerumba kompeni-kompeni besai Sarawak ngena chara ti jai bejalaika pengawa sida di serata dunya:
Pemati Di Pomio nya nyadika penerang SABL mai penusah ti nuntung raban bansa asal
4 Bulan Duabelas, 2014
Kena hari Lima 28hb Sebelas nyin kemari siku lelaki ari raban bansa Pomio, Leo Kaukau enggau siku anak mit, Roland Akin, parai udah bekau seduai iya makai belauk ketam ti disumai ngena ai ti bisi buya kamah sereta berachun ba genturung pendiau kem kayu batang SABL enggau kebun dandang besai sawit ti dikereja kompeni Rimbunan Hijau. Empat iku agi orang bansa asal nya udah suman mimit diubat.
Kompeni Rimbunan Hijau ari Sarawak nya benung betebangka kayu kampung lalu nyual pansut kayu batang ari tiga kandang endur ti diberi lisin ari Opis Betanam enggau Dagang di pelilih Pomio dalam menua East New Britain.
Pengawa nya udah dibantah lalu dilaban orang bansa asal ti madahka sida nadai diterangka dulu pengawa ti ngeruga menua sida, lalu sida mega madahka lisin ti dikeluraka opis perintah di menua nya ngena chara makai suap.
Pengawa ngelanggar kuasa pengelantang mensia ti balat nya ngena raban polis ti diupah kompeni Rimbunan Hijau dikena nekanka orang bansa asal dia udah didokumenka dalam surat ba repot mayuh bengkah agensi ti dipejalaika ngati ke diri.
Roland Akin udah ninggalka sekula lalu lari ngagai kem kayu batang ti endur iya diau nyemilik sida Leo enggau sida sebilik tang nya udah ngujungka nyawa iya ti ngenyinuka ati.
Nitihka penerang orang mayuh di menua Pomio nya kompeni Rimbunan Hijau udah puntan ngemataka pengawa ngintu uras ti tau nganu nyawa mensia ari kem kayu batang enggau kebun bedandang besai sida, lalu sida mega puntan nentuka pengelikun orang bansa asal ti bekereja enggau sida.
Orang bansa asal di menua nya mega madahka botol enggau sarang rachun bisi ditemu di sempepai alai ba kem nya ti endur semua orang nyengkaum nembiak mit ulih ngumpul uras nya ke guna sida baru.
Nyau ka semua ruang bilik orang diri sebilik ba kandang kem batang SABL nya nguna sarang enggau botol rachun puang dikena nyimpan ai tang nadai siku pan bala pengereja pengawa ari kompeni Rimbunan Hijau nya ibuhka pengelikun orang bansa asal ti bekereja sereta diau dia.
Bala tuai raban bansa asal di menua nya mansutka pengirau ati sida lalu madahka lisin SABL enggau pengawa ngulihka kayu batang di endur nya deka ngubah rampa menua nya nyadi endur pemarai ti enda dikedekaka ti meruan.
Sama enggau sarang enggau botol rachun ti dipeda ba sempepai endur, som enggau rachun ti naya di sebelah tanah mega bisi ditemu ba tiap endur dalam kem nya.
Lebuh pekara nya direpotka ngagai kompeni Rimbunan Hijau nya tauka ngagai bala pengereja pengawa dalam kem sida, sekeda ari uras ti bisi ayan nya deka dilalaika tang atur ngukum orang ti ngereja penyalah enda ngintu pemeresi ari uras nya enda dipejalaika.