Menteri Besai Malaysia Datuk Seri Najib Tun Razak deka nemuai seraya ke kereja tiga hari ke nengeri Milan belabuh ari hari Lima dikena ngerapitka kaul entara menua Malaysia-Itali.
Duta Malaysia di Itali, Abdul Samad Othman madahka ngagai bala pengarang berita Malaysia di Milan sehari tu ti endur Kuala Lumpur-Rom endang chukup manah, cheregas lalu disadang betambah manah jemah ila.
Najib enggau bini iya, Rosmah Mansor, disadang datai dia pagi hari Lima ti disempulang Menteri Pengawa Dagang enggau Industri Malaysia Mustapa Mohamed, enggau Menteri Dagang Temuai Malaysia Nazri Abdul Aziz.
Lebuh di Milan iya deka ngulu pengerami makai Hari Malaysia ba Expo Milano 2015 kena pagi hari Enam ti deka ngelancarka ‘Pengerami Pemakai Malaysia’ ba pavilion Malaysia.
Menteri Besai Itali Matteo Renzi udah ngirumka surat kangau ofisyel ngagai Najib ngambika sama ngulu sebengkah ekspo pemadu besai ti dunya ti diatur tetiap empat taun sekali.
Menua Malaysia nya entara 147 buah menua di dunya tu ti ngambi bagi dalam Expo Milan 2015 nya ti belabuh ba bulan Mei lalu dka tembu ba bulan Oktober. Pavilion Malaysia suah digulu mayuh temuai, lalu naka ke diatu udah mujur narit 2.5 juta iku temuai, iya nya ngelui tagit 1.8 juta iku temuai.
Suratberita ofisyel nya udah ngelaungka repot pasal penemuai ti bendar Najib Razak ke nengeri Milan, ari pemayuh endur, nyadika sebuah endur iya ngetu di Eropa.
Kami udah mujur ngayanka penatai iya ba pengerami ngayanka fesyen Islam ninting taun ti dikerinduka bini iya.
Ba taun tu pengerami nya diatur di Milan lalu Najib enda ninggalka penemuai iya nya.
Rosmah seruran dipeda ngulu pengerami ngayanka fesyen ti tebilang – di sebelah Monaco, London lalu ba taun nyin kemari mega Istana Windsor kala ngangauka iya ngambika berandau sereta begulai enggau raban bensawan ti kaya raja.
Bini Menteri Besai Malaysia nya ukai orang selama ti rinduka pengerami bakanya, iya udah ngamatka diri empu siku orang ti rinduka pekayan ti berega-berega sereta manah-manah dipeda.
Tang Rosmah ulih nerima penerang pasal diri empu ti gemu sereta baruh, iya deka niki ngagai panggau lalu disadang dipeda nyadika siku temuai pemadu kaya di endur nya.