Dalam sepuchuk surat timbal sida ngagai kompeni kebun dandang besai BLD enggi kompeni KTS, raban NGO rampa menua Malaysia, Friends Of The Orangutans (FOTO) udah mantah penemu Pengarah Eksekutif BLD, madahka bala pengkritik sida semina deka ngulihka sukung bala orang ti melanja sida enggau chara meri asil pansik sida sereta enggau sekeda testimoni ari raban bansa asal ti kena tuntung penanggul ketegal pengawa nerangka kampung paya ti dikereja BLD di menua Sarawak.
Surat nya nunjukka FOTO udah bejalaika pengawa sida meresa rampa menua di endur nya tauka ngambi sebarang tindak sereta madahka semua repot udah dikamatka ngena sekeda imej satalit, gambar enggau jaku randau enggau bala orang bansa asal sekali ke dalam tauka di luar kandang konsesyen Igan ti diberika ngagai BLD.
Ba ujung taun nyin kemari, sebengkah NGO udah ngayanka pengirau ati sida bekaul enggau empas ba rampa menua ari pengawa keruga BLD ba sebengkah aum enggau Kepala Menteri Sarawak, Adenan Satem. Pengirau ati nya beduduk ba pengelenyau habitat jelu siga enggau biodiversiti nyentuk ke pengelenyau biomas ti ari atas tanah kelimpah ari pemansut gas karbon dioksida nyentuk 37 juta tan ngagai angin.
Matek Geram, siku ari bala pejuang rampa menua ari serakup SADIA ti selalu matau gaya rampa menya nya udah madahka ngagai Sarawak Report pasal pengerusak habitat jelu siga enggau pemunas sekeda bansa jelu ketegal keruga kompeni BLD.
BLD Plantations nya anak kompeni ke Kumpulan KTS ti ganas betebangka sekeda rampa kampung lalu udah nya muka ladang sawit di menua Sarawak. Nitihka repot rampa menua, KTS kala ditangkap ketegal pengawa sida ti ngerusak kampung di pelilih Amazon enggau mega di Borneo.
Enggau pengasai ati ti optimis bekaul enggau aum sida enggau Adenan Satem, tang nadai sebarang tindak udah diambi nyentuk ke sehari tu.
FOTO madahka sekeda emel ari sida ti ditujuka ngagai BLD lalu enda dibalas sereta semua jaku tanya sida enda disaut seleka mukut, dibalas seleka beras.
Ba sebengkah artikel ti dikeluarka dalam Singapore Straits Times minggu nyin kemari, bala pejuang rampa menua Deborah Lepidus nekankaBLD ari sekeda kes, majak ngeruga rampa kampung di menua Sarawak taja udah suah napi jaku bantah ari sekeda orang.
Tang diatu NGO FOTO ti beopis di KL nya udah narit perati orang mayuh ngagai empas pengerusak ti dikereja BLD ba kampung paya enggau mega empas pengawa sida ba raban bansa asal di menua nya.
Berebak enggau sekeda penetap dalam gerempung UNDRIP dalam Gerempung Bansa enggau kuasa-kuasa sekeda komuniti dikena ngulihka penerang enggau pemendar, FOTO udah ngansak BLD awakka mantaika repot EIA sida bekaul enggau konsesyen sida di pelilih Igan nya.
Deborah Lepidus mega nekanka penerang ti madahka Kepala Menteri Sarawak Adenan Satem mengkang bedau ngeluarka “kar” perintah ti nunjukka pelilih menua endur ngulihka kayu batang enggau endur nanam kelapa sawit kelimpah ari ti ngeluarka repot EIA.
Pengarah gerempung FOTO, Upreshal Singh madahka Sarawak Report:
Kelimpah ari ti nyarutka runding orang mayuh lalu ngelemika pengawa kami enggau raban NGO ti bukai, BLD patut mutarka pengirau ati kami lalu badu agi muka ladang ba kampung paya.
Isi surat ti penuh ari FOTO nuju BLD [TAU DIBACHA DITU]
Raban pejuang rampa menua diatu udah didinga ngansak kompeni STIHL ti ngeluarka tinso ari menua Jerman mutuska kaul dagang sida enggau KTS laban ngulihka kayu batang chara salah ba undang-undang menua di Sarawak ngelama tu. Tau dibacha silik [KLIK DITU]