Dalam jaku gerah kena hari Satu 29hb Februari nyin kemari Najib udah nemuai 4 hari ke menua Arab Saudi lalu disadang “mansutka jaku” iya dalam Randau Ekonomi Jedah sehari tu 1hb Mach, ngujungka mayuh orang tekenyit.
Tambah mega tu kali ke terubah tetiap iku bala orang ti nemu pasal perambu tu.
Mayuh orang udah nguji ngiga penerang pasal randau nya, sebengkah atur pengawa komersil dikena nambahka wang turu ari bala orang pemeri enggau bala orang ti datai ngulu pengawa nya, tang nama Najib endang nadai disebut.
Penemuai tu udah ngerak sekeda komen di Malaysia. Selama tu enti PM dipinta bejaku ba mua orang mayuh, nama kebuah ke sekali tu iya enda disebut bejadika atur pengawa nya?
Enda mukai-mukai kena sehari tu 1hb Mach, jaku ti disadang dipansutka Najib udah diansak ngambika bulih gintir ti kedua dalam rintai nama ti dipandang nya!!
Lalu sekali agi, ba rintai nama bala orang ti diasuh bejaku nya, tang nama Najib nadai ayan kena hari Satu nya …
Enggau enda mukai-mukai ba hari ti nangkan ke nya, hari Dua, nama Najib ayan nyadika orang ti lumur dua bejaku dalam randau nya!
Sekali ke Najib nya ukai siku orang ti dikelala nynetukka pengawa randau Arab nya enda nyelitka nama iya dalam atur pengawa nya lalu sida patut ditangkan pasal pekara nya?
Tauka, udah iya napi sekeda jaku tanya ti ngaitka repot Wall Street Journal ti ngamatka Sarawak Report ti madahka lebih US$1 billion ti kenu ku sida nyadika duit pemeri ti dipasukka ngagai akaun Najib (kelimpah ari US$681 juta ti diaku iya sebedau tu), ari nya PM ti udah abis akal nya beguna bendar ke pengalih perening di menua tasik?
Tambah mega Najib enggai meri dalih iya ba sekeda jaku tuduh WSJ bekaul enggau 1MDB, baka ti dikeluarka kena hari Dua tu tadi.
Tu nyengkaum penerang ti madahka US$2.4 billion udah dibayar ari 1MDB, ti patut dibayar ngagai ‘pangan dagang’ sida, Aabar dari Abu Dhabi, tang udah dilimpangka ngagai kompeni pelesu BVI ti ngena nama ti nyau ka sebaka, lalu udah nya ditemu udah ngemasukka duit nya ke dalam akaun Najib di KL.
WSJ, nitihka konvensyen, patut mansutka jaku tanya sida ngagai Najib bekaul enggau penerang ti ngasuh malu tu dalam dua tiga hari ke udah – engka sebedau minggu nyin kemari.
Sekali ke nya ti ngujungka Najib beguai-guai pulai baru ngagai menua Arab enggau dalih iya ti madahka iya bisi pekara ti deka dipansutka?
Sehari tu bala pengarang berita ti deka betanya, udah dipadahka pasal Najib agi kelalu kiruh endur iya nyaut sekeda jaku tanya ti dipansutka bala pengarang berita nya.
Bisi sekeda pelaba orang ngumbai bala agen Najib andal bendar ke sida deka majak mujur ngumbuk bala pemesai Arab ngambi nempa penerang madahka “duit pemeri” ke Najib nya datai ari menua Arab.
Engka Najib ngumbai diri nurun ke padang deka ngeringka cherita ti ditempa-tempa iya, nyadika pampas iya ti udah ngenataika diri nyembah Raja Arab?
Nyerumba nya, Najib enggau bini iya udah ngena peluang penemuai nya endur seduai iya madahka orang mayuh endur seduai iya mega bisi hari ngereja haji enggau besembayang.
Enti orang Arab udah besedia mansutka jaku gerah chara bediplomatik dikena mantu Najib meresi nama iya, berita ti dipansutka WSJ bekail enggau “duit pemeri” tentu deka ngasuh sida ngetu enda lama.
Sida engka deka ngaku diri udah meri US$1 billion lalu ukai US$681 juta. Sekali penyampau duit pemeri nya deka ditikika udah penerang ti pansut bekaul enggau akaun Najib ti enda tentu terang nya.
Beserimbai enggau nya, Sarawak Report meratika, taja pan gambar Najib udah ditambahka ngagai rintai nama orang ti diasuh bejaku, nadai sebarang ubah ba atur poengawa jaku randau nya dalam dua hari nya.
Ke pengujung iya berita ti udah ditapis pasal Najib ti niki lalu mansutka jaku iya sebedau atur ti bendar dipejalaika!
Tang, tambah mega, randau tu, baka randau ti bukai, nyadika sebengkah pelasar pengawa dagang ti endur sapa-sapa orang ti sedia ngulurka pemeri dipinta mayar diri ti deka bejau. Utai ti patut dikereja Najib ba randau nya ngemasukka duit Malaysia dikena ngulihka peluang diri bejaku, nitihka penerang ari laman web.
Enggau nya, sekali agi Najib tau begah-begah bejaku laban udah ngeringka kaul manah enggau menua Arab dikena iya nutup peluang iya bejaku bebayar nya.
Najib tentu bebendar amat bekereja ngulihka peluang endur iya ngadap Raja Arab dikena iya ngangkatka “kaul manah” enggau perintah Arab, tang peluang iya betemu enggau Raja Arab enda ngemudah iya ti ngatur endur diri bejaku dala randau.
Najib enggau bini iya dipeda baka orang ti gian nemuai ba penemuai seduai ke menua Arab – ke penudi kemari seduai nemuai kin enam minggu ke udah.
Tang, ba mayuh orang Malaysia, penemuai Najib ke menua Arab ti nyadika pengias tu engka patut digaga nyadi penerang batang tubuh iya ti dikarang enggau beguai-guai ti tau dibacha ba entry Najib Razak dalam rintai nama orang ti digintirka bejaku.
Orang Malaysia diatu berasai mar bendar sekali ke deka ketawa tauka nyabak. Engka Najib enggau bala pemesai iya enda meratika empas ari pengawa iya ngelama tu, ti dikena iya nyaga penuduk politik iya.
Sekali ke sida mengkang ngumbai mensia mayuh di serata dunya tu enda nemu pasal semua utai tu?