12 FEB 2016
Dunya dagang asil pengelandik jari enggau bala pemerati 1MDB diatu udah ditegah enggau berita ti madahka Jho Low udah berubah ari ti nyadi siku pengumpul asil pengelandik jari ti mar-mar ngagai siku orang penyual koleksi asil baka enggi sida Monet, Picasso enggau Basquiat ba rega dikaun ti jauh murah sampai ke kurang bejuta-juta dollar dalam empat lima hari tu udah.
Nitihka repot ari Bloomberg, Jho Low ngereja nya nyadi siti chara iya ngambi duit iya pulai ari duit injau US$100 juta ari pasar lelong asil pengelandik jari nya.
Penanggul nyadi makin mar. Agi mega sekeda akaun bank Jho Low di Singapura udah kena tan lalu iya dipansik di Hong Kong, US, UK enggau Switzerland, ti dipelabaka mega bisi akaun di sama kena tanka tauka dibekuka.
Ba penanggul nya, ni bagi bank ke sanggup nyali iya duit?
Berita nya udah mujur mungkar sereta ngusaika mayuh agi asil pengelandik jari ti berega mar ti udah dibeli Jho Low, laban diatu iya mupuk-mupuk nyual asil nya – semua nya dijual ba rega ti mai pengerugi ngagai iya.
Asil pengelandik jari Picasso dijual iya ba rega $27.6 juta iya nya kurang 45% ari rega iya meli subo, asil Basquiat dijual iya ba rega 6.2 juta iya nya 33% kurang ari rega asal iya lalu asil Monet $11.6 juta, jauh baruh ari rega asal ti disangka.
Tang asil ti nyadi tanda tanya tetiap iku orang ti rinduka asil pengelandik jari, sekali Jho Low sanggup nyual “Women Of Algier” ti ditengkebang Picasso ti kala udah mechah rekod jual nyadika asil pengelandik jari pemadu mar, ti dibeli iya ba bulan Mei taun nyin kemari ba rega US$141 juta?
Asil nya dibeli Jho Low ba pasar lelong Christies di New York, ti endur maya nya mega iya nyual koleksi iya, Rothko.
Enti Jho Low nya ukai orang ti meli, sapa agi orang bukai ti dikelala?
Asil pengelandik jari nya dikereja ngena rega ti kelalu tinggi, kenyau ari 2010 ba ti ditemu bala penganalisa. Sapa agi orang ti kaya-kaya enggau enda mukai-mukai ba taun 2010 nya suba?
Bala orang ti ngulu pengerami di New York nya ti udah narit ati kami nya siku bakih Jho Low ti mega bakih ke bala anak Najib – siku orang bebansa Thailand ari ruang bilik Songatheepol.
Iya mega bisi ngengkahka entri iya dalam laman web pasal koleksi asil pengelandik jari ti sama!
Jika Jho Low merupakan ‘pembeli’ karya seni mahal yang telah sanggup membelanjakan US$141 juta untuk sebuah hasil karya, seseorang akan tertanya-tanya betapa dia memerlukan wang itu balik untuk menutup kerugian yang dialaminya.
Enti Jho Low nya siku orang ti meli asil pengelandik jari ti mar-mar udah sanggup ngeluarkan belanja US$141 juta ke siti asil pengelanding jari.
Bisi ti endur kedalih bukai nyungkak peneka ati bebelanja mayuh dalam pengerami lelong asil pengelandik jari ba raban sida Low sebilik nya.
Bala bakih Jho Low baka sida Khadem al-Qubaisi siku orang kaya Arab ti rindu ngulu kelab malam udah madahka ngagai Sarawak Report ti endur mayuh jaku sumbung sida rinduka asil pengelandik jari ti mar-mar, kereta besai engga reta tengkira nya nyadika chara sida ngubah duit enggau jampat.
Al-Qubaisi enggau Jho Low sama bela beranakka puku ba tiga bansa komoditi, nitihka asil pansik kami, lalu seduai iya sama bela kena pansik raban penerit undang-undang ari Abu Dhabi nyentuk ke US.
Pasar asil pengelandik jari ti berega mar-mar disadang deka napi pengusut enda lama agi.
Nyerumba nya sapa-sapa ti deka meli kapal layar ti berega mar ba rega ti udah jauh dikurangka tau nemuai ke Aukland di New Zealand ti endur kapal layar nua diatu benung belabuh.
