Enti semua utai nya beresi ti bekaul enggau PetroSaudi 1MDB, tentu diatu semua bala eksekutif ti udah ringat nya udah datai di KL bebekalka penerang sida empu?
Semua watak ti udah chukup dikelala orang di Malaysia bekaul enggau pengawa enchuri bebillion-billion dollar nya, Tarek Obaid, Jho Low, Patrick Mahony, Khadem Al-Qubaisi enggau bala bakih sida ke bukai, tentu ulih mantaika akaun ti terang bekaul enggau utai ti udah dikereja sida.
Lalu, kenu ku UMNO, semua pemula ti udah dibantaika Sarawak Report enggau raban pemantah 1MDB ti bukai (nyengkaum Dr Mahathir. Suratberita Edge, bala pengarang berita ari menua tasik, parti DAP enggau PKR) engka ulih nunjukka nya ‘perambu ti ditusun memanah’.
Tang penyelai iya, bala sida ti kena sangka tauka kena tuduh nya benung belalai di menua tasik magang. Engketut, besengkilu iku.
Jho Low udah ngelarika diri enda ditemu penunga, bisi ngumbai iya benung bekupan di menua Taiwan, ti endur bakih iya Jerome Lee, nyentuk ke ngagai maya Lee ditangkap raban penerit undang-undang kastam menua nya.
Bakih Jho Low, Nik Faisal Ariff Kamil, pengurus besai dalam 1MDB ti mega ngatur pemindah duit ari kompeni SRC masuk ngagai akaun Menteri Besai mega ditemu ngelarika diri ari penerit undang-undang lalu diatu disadang benung belalai di menua tasik.
Lalu diatu raban penerit undang-undang nya mega udah nerima waran tangkap dikena sida ngiga lalu nangkap dua iku pemesai ti udah dikelala Sarawak Report, Jasmine Loo (ari UBG) enggau Casey Tang (ari 1MDB) nyadika orang ti besedia meri penerang tang udah nya ngelari ke diri ke menua tasik.
Taja baka nya, bala orang ti ngelindung orang tu, ti mangku pengawa dalam perintah, suah bendar udah bebula penerang lalu nuduh pengawa diatur orang ti jai ati. Sida nuduh Sarawak Report “sengaja ngubah” penerang.
‘Penerang’ ti udah ‘diubah’ nya bepanggai bendar ba pelandai siku lelaki gila ari menua Sarawak – Lester Melanyi ti bepelandaidalam pengelama 15 minit dalam video.
Tu nyengkaum sekeda pelaba orang ti bedau ulih ditukuka ari kompeni pengaga pengelukun ti diupah PetroSaudi empu, iya nya kompeni Protection Group International (PGI).
Lalu diatu, sebengkah penerang ti disadang udah disebut tauka bedau kala disebut pun penerang kami, ti kala bekereja enggau PetroSaudi, ti udah ditanya enggau belalai ulih New Straits Times di rumah jil di Bangkok, awakka jaku iya enda ulih diperesa lalu dikamatka.
Justo lalu bedau ulih kena dawa atas penyalah ngemba munyi ti dituduh PSI, ti udah bebendar amat ngiga iya, kelimpah ari sida empu nyaut tuduh ke penyalah sida empu.
Ari nya tu mih maya endur mutarka dawa nya ti endur nadai siti pan dibantaika pasal dagang kunsi PSI 1MDB ti bendar, laban kenu ku sida nya, semua nya ari atur Sarawak Report ti nyimpan penerang ti bendar diterima sida ari Justo lalu bejalaika pengawa sida ari bantu raban pakar IT ngambika ngubah reti semua tiga juta emel, dokumen enggau surat pemindah duit, ba pengawa SR ti deka “numbangka perintah” ba sekeda juluk ati ti enda ditemu (nyengkaum bejalaika atur perambu neo-kolonialisma).
Dirit pekara ti nyadi nya nunjukka nama kebuah SR enda sempat ngubah penerang nya, laban berebak enggau sida bulih penerang nya, penerang ti sebaka mega dikirumka ngati ke diri ngagai opis suratberita Edge enggau Sunday Times … ti udah nya diserahka mega ngagai raban penerit undang-undang di menua Amerika Syarikat.
Bisi mega penerang nya dikirumka ngagai raban penerit undang-undang di menua UK enggau ke Switzerland enggau ngagai opis Edge ti udah nya nyerahka penerang nya ngagai raban penerit undang-undang di menua Malaysia empu.
Ke bendar iya, mayuh bengkah penerang pemindah duit baka ti udah dibantaika SR enggau laman berita ti bukai, udah nengah beberapa itu bank enggau mega opis penerita undang-undang. Nya kebuah, enti kami udah bisi buya ngachau’ penerang ya, mudah bendar diperesa bebanding enggau rekod ti bisi ba sida.
Peda chunto ditu bekaul enggau emel pasal pemindah duit ari 1MDB ke dalam akaun Good Star di bank RBS Coutts di menua Zurich.
Sebarang bank tauka penerit undang-undang tentu ulih nenujukka emel tu pelesu tauka udah dikachau tauka diubah, sama baka bank BSI Singapura ti udah madahka ngagai penerit undang-undang Singapura ti madahka surat penerang bank ari 1MDB ngagai CEO 1MDB Arul Kanda ti nuduh 1.3 billion dalam akan sida nya udah dipelesuka.
Sarawak Report udah ngasuh Justo bekelala enggau bala pengurus Edge di Sinpagura ba bulan Februari tu tadi ba Hotel Fullerton. Kami nemu penerang ba Justo ti disimpan iya lebih ari setaun nya udah dikena ngiga iya.
Bala pengarang berita ari Edge disempulang bala pakar IT sida empu lalu SR nadai disempulang sebarang pakar IT.
Bala orang ti betemu maya nya besetuju ke Justo nyerahka penerang nya lalu meri ngagai bala pakar IT.
Ba hari ti nangkanka nya bala pakar IT nya ngaga tiga iti salinan penerqang nya, siti salin diserahka ngagai SR, siti ngagai Edge lalu siti salin ke disimpan lalu ke guna sida empu.
SR lalu mulai ke diri enggau naka penyampat ke London. Datai di London, salin penerang ungkup enggi SR enda ulih dibuka ketegal pengelikun salinan nya.
Udah nya SR lalu ngangauka Sunday Times, ti udah nya ngena pakar komputer sida muka salinan penerang nya.
Salin dokumen ti udah dibuka di Sunday Times nya dipulaika ngagai Sarawak Report ngambika digaga nyadi artikel berita. Sunday Times mengkang nyimpan salin ti asal ti endang enggi sida.
Berebak enggau nya Edge udah ngena pengelandik pakar sida empu meresa semua penerang ti sama di Singapura. Sida mega udah mujur muka fail ti bukai ti sebaka lalu udah bulih simpul penemu ti sama pasaal dagang kunsi PetroSaudi 1MDB nya.
Sarawak Report udah nerima salin asal ti ulih sida di Singapura (diambi ari Sunday Times, ti udah ngetanka salinan ti udah dibuka) lalu diserahka ngagai raban pemansik ari menua US, ti datai ke London ngambi penerang ari Sarawak Report.
Kelimpah ari penerang ti udah mujur dibuka Sunday Times, Sarawak Report mega udah mujur nerima sekeping chakera ti ngundan dokumen-dokumen beguna ari fail-fail Justo, ti nunjukka utai ti nyadi dalam dagang kunsi nya.
Penerang tu udah diserahka Justo ngagai Sarawak report ba maya ti enda sama lalu semua penerang nya sebaka enggau penerang ti udah dibuka Sunday Times sereta bebida maya ulih Edge.
Udah nya Justo bisi ngirumka salin ke-dua semua penerang ti terus ba sekeping chakera ngagai Sarawak Report, ti benung ditaruh teguh. Enti sema Sarawak Report udah ngachau tauka ngubah salinan ti asal diterima sida, tu tentu deka bebida enggau versyen ti dikena kami.
Baka nya mega opis suratberita Edge udah bisi nerima versyen ti ke-dua ari Justo tang dudi agi. Enti penerang nya dikirumka iya kediri-kediri tentu enda ulih diubah kami sekali.
Tang opis suratberita ti udah nerima penerang nya udah ulih meri simpul penemu sida bekaul enggau utai ti nyadi dalam dagang kunsi 1MDB PetroSaudi, ke lebih agi US$700 juta ti udah disintak pansut kompeni ti dikuasa Jho Low.
Ke bendar iya nitihka rekod, Pengerusi Lembaga pengarah 1MDB udah badu ari pengawa iya bekaul enggau penanggul nya sereta dagang kunsi nya ditanggam dalam taun 2009 kemari.
Lalu, udah ti ditunjukka sekeda agensi berita enggau bala penganalisa politik enggau pekara wang, penerang ari pengkalan data PetroSaudi ti diberi Justo nya besenutuk bendar pekara ti dikerandauka dalam kandang beberapa tau7n tu – lalu udah ngujungka wang turu nya nanggung utang ti berat bendar nyentuk ke sehari tu.
Nya alai jaku anu enggau jaku kutuk ari bala oraang ti nguji ngelindung wang turu 1MDB nya enda ulih mantu meresi pengamah dagang kunsi nya.
Enti kami udah nulis uras, raban pemansik dalam PAC tentu udah lama nemu kami tu raban orang ti bula. Tang sida udah mujur bulih mayuh agi penerang lalu ulih ngeluarka waran tangkap ba bala eksekutif 1MDB ti lama udah ngelarika diri ari menua tu.
Bisi mega jaku tanya nama kebuah Sarawak Report bekaul enggau langgur ngachau penerang nya, ti beguna amat ba sida 1MDB?
Laman blog kami tu udah dikeruga, disadang awakka bisi endur sekeda orang bulih konspirasi dagang ti tau ditunjukka. Engka bala pengeruga nya deka nguji ngachau penerang ti dibantaika kami (lalu udah nya nuduh kami bekachauka penerang nya).
Tang Sarawak Report tegerak ati ulih sebengkah utai ti mudah bendar diperetika ulih orang mayuh.
Tu datai ari peneka kami mantaika skandal pemadu besai di Malaysia ti nyadi tanda penyalah makai suap enggau pengawa ngeruga rampa menua, ti ngujungka pengerusak kampung Borneo enggau pengawa enchuri asil tanah Malaysia ari rayat iya.
Tu mega lalu nyadika lambang penanggul entarabansa, ti dipejalaika sekeda orang ti kelalu rangka ari sekeda menua di dunya tu. Bala penerit undang-undang pekara bank, perintah-perintah enggau institusyen-institusyen professional patut bebendar agi bekerja sereta ngembuan ati ti lurus dikena nagang penanggul tu.
Enti enda baka nya, tiap iku orang deka ngasaika pemedis dalam pengidup laban undang-undang udah dimain-main.
Kitai patut beterima kasih ke penanggul tu datai nuntung kitai mayuh, pemansang di Malaysia udah muka ruang ngagai sida ti rangka, berebak enggau penumbuh projek Tun Razak Exchange ti nyadi lambang ti lalu bedau ulih nyadi nyata.
Tu mih jaku tanya ti patut disaut bala sida ti ngereja penyalah tu – kami tu enggau agensi berita ti bukai nya udah mantaika penanggul tu, gaga bendar ati laban kami udah bebendar amat muka lambar cherita kami.
