Ba sebengkah jaku randau ti diberika ngagai Sarawak Report kemari, Menteri Besai Malaysia ti dulu suba, Tun Dr Mahathir Mohamad bisi madahka diri enda puas ati ke penerang 1MDB ti madahka wang turu US$2.32 bilion (RM8.24 bilion), ti disimpan di Pulau Cayman, diatu udah “ulih diambi pulai magang”.
“Saut nya enda ngemuaska kita bekaul enggau sebarang utai”, pia ku Dr M. “Aku deka nemu ni bagi bank endur wang turu nya disimpan. Satu billion dollar, nuan patut nyimpan iya ba siti endur. Aku enda nemu dini endur duit nya disimpan – nya siti ari atur penampak.”
Dr Mahathir ti nyadi pengkritik ti inggar nyawa ke UMNO enggau BN pasal wang turu pemansang nya, udah ngangauka Tuai Pengarang Berita Sarawak Report ngagai Opis Wang Turu Kepimpinan Perdana di Putrajaya ngambika berandauka pasal pekara ti bekaul enggau rampa menua enggau kuasa pengelantang mensia di menua Sarawak.,
Tang Dr Mahathir dipeda lebih agi besedia berandauka pekara ti bekaul enggau penyalah makai suap enggau pengirau ati iya pasal atur pengawa dalam 1MDB.
Dalam pengelama beberapa bulan tu udah Dr Mahathir udah dipeda besepenemu enggau bala pengari penyakal ba pengawa minta saut pasal wang turu ti diperanakka ba sebuah kompeni minyak ti mit ti enda kala didinga nama ngelama tu, PetroSaudi lalu udah duit nya diperanakka ba sebuah wang turu ti nyelai, ti dipelabaka di Pulau Cayman.
Singkang ti keterubah CEO dalam wang turu IMBD nya, Arul Kanda Kandasamy, ti baru dipaduka bekereja udah bekau CEO Mohd Hazem Abdul Rahman ngetu enggau ngenyit ba minggu nyin kemari, nya nyadika jaku gerah ti ngenyitka orang mayuh bekaul enggau pengelenyau duit wang turu nya.
Sarawak Report betanyaka pemuas ati Dr M. Iya madahka diri enda puas ati ke pengelenyau duit taja pan raban pengurus wang turu nya madahka duit nya udah ulih diambi pulai magang.
“Aku minta saut, laban saut ti ke udah-udah nya enda ngemuaska ati aku. Saut sida nya kelalu mabu. Aku betanyaka pasal pematut penumbuh 1MDB lalu baka ni duit dalam wang turu nya dikemataka. Sida (raban pengurus) udah betemu enggau aku, tang sida enda ulih nerangka enggau saut ti engkeman ngagai aku baka ni sida tau meli palan kuasa karan ba rega ti kelalu tinggi lalu komisyen dibayar ngagai bank Goldman Sachs”, pia ku sara Dr Mahathir.
Pengenggai DR M ba pekara nya ti ngambika iya ulih dipuaska udah ngundang cabar pemadu besai ngagau wang turu nya enggau Menteri Besai Najib, dikena ngenataika penerang dikena nyukung duit bejuta-juta ringgit ti dikumbai lenyau nya udah ulih diambi pulai magang.
Kaban politik parti DAP Tony Pua mega bisi betanyaka pasal penampak dalam pejalai atur ti sebaka.
Dr Mahathir disadang bisi bulih penerang arid alam ti dikena iya nyungkit semua jaku tanya bekaul enggau penampak.
Ba aku siku nya enda ulih diterima runding aku. Nya mai aku bebida enggau perintah. Ba penemu aku kitai enda begunaka wang turu ti ngemesai nya. Kitai ulih mansang ke mua taja pan nadai wang turu ti baka nya … terubah nya sida nyali duit ngagai siku peranak menua Arab lalu beentaruh ngena duit nya. Perintah enda patut bejudi ngena duit nya”, pia ku Mahathir.
Tang, ba jaku randau kemari Dr Mahathir madahka salah atur dalam pejalai wang turu 1MDB nya udah ngemendarka mayuh agi pengawa jai ngerembai dalam wang turu nya ti mega nadai minta orang laur meresa atur ba pengawa sida.
Dr Mahathir besetuju enggau atur penampak dikena nagang salah atur 1MDB lalu iya dipeda enda tetarit ati deka majakka randau nya.
Kami deka ngeluarka mayuh agi isi jaku randau enggau Sarawak Report ba maya bukai udah tu ila.