Ta Ann mandangka penyiru diri meri duit tulung kena ngalau mayas ti dikurung ukai ba endur pengidup jelu tu laban kampung kandang pengidup jelu siga tu udah ditebang sereta diperimba kompeni diempu Taib Mahmud ngulihka penguntung sebedau ti ngatur pengawa nanam baru kayu.

Sarawak Report udah bejalaika pengawa nengkebang penerang lalu ngayanka gambar ti mai reti ke diriempu.
Ba penerang apin lama ti udah, Taib ti beempu kompeni Ta Ann ngayanka penyiru enggau pementas ati ngagai rampa menua sereta pengawa nyerungkai kampung puang ba Sarawak.
Taib mega nuduh Radio Free Sarawak ngaga penyalah laban nabur dawa ari mensia mayuh ti madahka kompeni nya nyerungkai kampung sereta ngamahka rampa menua.

Kena ngayanka penyiru, Ta Ann ngeluarka penerang sereta gambar ti nunjukka kompeni tu ngereja pengawa pemanah dalam tanggung pengawa diri.

Nyerumba tu, gambar tu mega baka ti dikena meri puji ngagai diri empu ba sida ti bekaul enggau politik BN ti bisi besangkut paut enggau Ta Ann, tang sida tu udah ngelugi orang Australia enggau semua menua adap kia, nya ketegal sida nemu sereta meretika ulah Ta Ann sereta enggau chara Sarawak dipegai.
‘Mentas’ meri tangki ai plastik kena nimbun ai ujan awakka rayat ulih ngirup ai beresi.
Ta Ann diempu petunggal Taib, Hamid Sepawi, siku orang ti pemadu kaya ba Asia.
Penuduk ti selalu dikena Taib iya nya madah ngagai orang pengawa merimba kampung, nebang kayu batang sereta muka kebun nandang besai enda dikena mai pemansang enggau pengidup baru ngagai rayat Sarawak.
Nyadi, tangki plastik tu mih pemeri sida ti pemadu manah ba 2012?
Nya alai nyengala amat Ta Ann deka minta dipuji sereta diberi terima kasih laban ti ulih meri tangki ai ujan ngagai rayat laban kena nukar tanah temuda sida ti udah diserungkai sereta diperimba lalu ditanam baru.

Mayuh bengkah endur ba menua tu endang beguna amatka tangki ai ujan, laban sungai ti semak sida udah alit sereta keruh kelimpah ari ti dibalut racun enggau baja ari kebun dandang besai.
Berebak enggau tu, sungai mega nadai mai penatai pemakai baka ti kala diasaika mensia mayuh suba.
Nya mih laban ketegal pemansang, orang menua pesisir ti idup dalam rampa menua asal suba, diatu idup ba rampa menua ti udah chau belau.

Semua tu bepun ari bebiliun ringgit ti diulih Taib, Sepawi enggau bala kroni iya ti merimba, nebang kayu batang, muka kebun dandang besai sereta ngerusak tanah temuda rayat.
Kena nganti tanah temuda, kampung ti udah diperimba sida tu meri tangki plastik ngagai kena nimbun ai ujan.

Nama kebuah enda muka telaga, pam tauka ai paip air? Kelalu mar? Kita bulih bebiliun ari nebang kayu batang sereta penguntung ti besai agi ari muka kebun dandang besai. Tang semina meri mi.
Ta Ann ngemesaika pengawa nyadung pemakai ngagai orang suntuk. Tu gambar pemeri Gawai – kutak mi enggau pemakai bukai ari kedai kedai ba pasar.

Ti diperatika amat amat, sinu kitai meda pengaga sida ti nerima pemeri pemakai ti baka nya. Tu mandangka sida tu suntuk amat sereta jauh tinggal dalam pemansang.
Sigi amat sida tu naka pengaga nerima pemakai ti baka nya. Orang nemu Sarawak kaya ba pengeraja asal, tang agi mayuh rayat iya papa.

Sida ukai semina diperinsa tang pengeraja asal ari kampung ba menua sida dirampas, nambahka nya sungai ti nyadika batang penatai pemakai mega dikeruga sida Taib enggau Ta Ann.
Lalu nitihka penerang ari Ta Ann sida patut beterima kasih ngagai pemeri pemakai ti kena nganti tanah enggau kampung sida ti diambu kompeni tu.

Peda pemanah budi kami. Ti nunda kami enda ibuh kiruh ngadu pengawa baka tu. Kami ngambi tanah kita, tang Taib nadai kala ngasuh kami mampas reta nya.
Nadai siku orang tau mantah penyiru Ta Ann ba pengawa pengasih dikena ngemanahka diri ba mua mata bala penerima bantu.

Tiap kali nyuaka pemeri,pengerami nya deka dipandang ngagai mensia mayuh ngambika orang nemu sida ngulih pengeraja ari orang ti beempu reta ti udah papa ketegal tanah diri empu.
Diayan ditu ‘chek besai’ (penyampau £20,000/AUS$31,000) kena nyeruri rumah panjai. Orang rumah panjai dipelabaka naka pengerindu lalu diasuh begambar kena ngayanka pengaga ati sida ba pengerami nyuak chek nya.

Tang sapa ti beempu tanah tu deh? Berepa Ta Ann mayar reta orang ti mai pegeraja ngagai sida lalu berapa mayuh ti dipedua nengah pampas ti diberi ngagai mensia mayuh. Ti nitihka pemayuh untung kompeni ti diulih ari kandang menua sida, nadai kebuah mensia mayuh ba menua nya enda tegagaka rumah kediri

Penatai pemisi enggau politik –Kaban Kunsil Nengeri Steven Rundi ngambi peluang ngambika dipeda mentas nyua duit bantu ari Ta Ann ngayanka diri ngambi dipeda mentas. Dua pekara diayanka ba pengerami tu sigi suah dikena ba adat politik demokrasi.

Bala orang Australia nemu tuju pengawa ti baka tu, enti nyema bala orang politik enda.
Ngena chara mandangka diri baka tu mega tau dikena Ta Ann madahka diri sigi enda kala ngerampas tanah adat.

Sida tu mega baka ti dekas ngayan kediri iya nya siku ari orang ti beempu kompeni Grand Perfect ti udah ngeruntuhka rumah panjai endur muka kebun dandang besai lalu nanam kayu acacia ba kandang tanah ti pemadu besai ba adap Asia Timur.

Tu mega kena Ta Ann mandang kediri udah meri dividen panjar ngagai orang orang ti beempu tanah ba pengawa kerejasama ti endur kompeni tu ngemansangka tanah sida.

Kerejasama baka tu endang kelulu dikena ngerabun runding orang Sarawak ba tuju ti deka ngerampas tanah.
Bisi endaka kitai belabaka mensia mayuh tepedaka ulah perintah BN tu? Bisi endaka jaku sida didinga ba kerejasama tu? Bisi enda kini sida iya penuduk ba kompeni? Bisika enda tanah sida dibayar enggau chukup? Bisika enda sida tu diberi dividen ti chukup? Tentu kitai enda nemu.
Enti nyema enda, mensia mayuh berunding enggau panjai lalu minta Ta Ann mayar sida nitihka ti udah diputus kompeni tu empu.

Nadai ba surat penerang – pasal rumah panjai ti udah diruntuh ngena nama Grand Perfect anak kompeni Ta Ann, lalu diatu kandang menua nya udah ba jari Chairman Hamid Sepawi ti diatur chara belalai.
Lalu Kaban Kunsil Nengeri endang patut nyelitka diri ba tengah laban kena mandangka ngagai pematut sida ngundi BN baru enti Ta Ann berunding deka nambahka pemeri dudi ila.

Ngenang Grand Perfect, chairman kompeni tu lalu pengempu syer ti pemadu besai, pengari Taib iya nya Hamed Sepawi ngambi syer Ta Ann kena ngisi kuchik diri.

Ta Ann mega sigi enda pedulika pengawa kompeni nya ti ngerumpang menua orang rumah panjai
Ti nundaka Ta Ann patut nunggu chairman kompeni nya laban naban reta tengkira bebiliun ringgit ari syer orang mayuh.

Siti jalai kompeni tu menyatika orang rumah panjai, sida ngambi orang luar bekereja lalu meri gaji jauh baruh ari tikas penyeranta orang Sarawak.
Nyadi Ta Ann milih ngayanka gambar tu kena madahka penyampau pengereja pengawa digaji sida lalu diandai.

Berami kena ngelantangka ati orang ti beempu menua lalu diatu sida nya nadai agi endur ngasu beburu ngiga pemakai.

Pementas ti baka tu diayan bala pemesai ba kompeni nya bebansa China ti mulai kediri ngena kerita besai. Bisi enda sida tu ngundan orang menua udah nya? Enti nyema bisi kati gaya iya? Asuh duduk berempit ba panggau belakang kerita? Tauka sida ngasuh orang menua nya tadi pulai bedarat?
Sepawi nyain sempekat enggau WWF Malaysia. Gerempung tu udah suah nerima bantah ari NGO bukan laban ti enda kiruhka pemanah rampa menua.

WWF nerima bantah ba sempekat enggau Ta Ann tang kompeni tu enda kala nyebut pasal nya.
NGO rampa menua dunya ti chukup ti pebasa mantai ripot madahka sempekat antara Ta Ann enggau WWF ngilah pematut.

Ba tu, WWF ngasaika penyilap nyau majak berat ketegal ti sanggup nanggam semaya enggau Ta Ann baka ti nuchi nama kompeni nya, laban ketegal duit

Dunya minta WWF nyelak sempekat Ta Ann enggau WWF Malaysia.

Berebak enggau tu, Ta Ann sigi ngambi ulih nyandung pementas diri ba nyaga pemanah rampa menua.
Tekenyit £5,000 (AUS$9,000) – disedia nyadi pemeri kena mandangka pementas kompeni Ta Ann ti bekaul enggau – Taib, Jabu enggau BN gangster kayu batang BN ti ngatur Sarawak!

Taib Mahmud nyuaka chek RM30,000 ari Ta Ann. Ta Ann udah bulih bebiliun ari Sarawak, kompeni tu ngembuan tanah kebun bedandang ti pemadu besai ti disempulang enggau lisen kayu batang.

Taib meri pengelala ngagai pengari iya, iya nya petunggal iya empu Hamed Sepawi ti beempu syer pemadu besai ba Ta Ann. Iya mega nguasa mayuh agi kompeni besai ti bukai ( ti udah bulih untung ari bank tanah) sereta untung ari kontrak mensia lalu Sepawi mega tukang wang parti politik Taib.

Ba pengerami tu Taib mega bediri ba tengah begulai enggau orang bala pengering iya. Iya nadai irau laban Ta Ann sigi kompeni iya.

Ekonomi nginsap darah

Uji aku meli undi nuan. Gambar tuai BN Perintah Besai Najib Razak baka ti nyebut leka jaku nya. Tu aku meri kita pipit ila akunaban rusa kita ba kandang lima taun

Ari pengaya ti udah diulih ari Sarawak ngena system “nginsap darah” diatu tuai orang politik BN matau Sarawak enggau nengeri mukai ngepai duit kena ngumpan orang ti merinsa ngambika ngundi sida.

Berebak enggau pengawa bepilih ti didinga enda lama agi, sida ngagrapka duit ti enda mayuh nya ulih meransang orang ti bekuasa ngambika sida ulih nampung pengawa ti dikereja sida ngelama tu ngulih bebiliun ringgit.

Orang kuat Taib, James Masing mantaika penemu politik BN ti madahka demokrasi ngemendar orang siku-siku ngundi dalam lima taun milih orang ti nyadi ‘towkay’ sida. Lalu orang tu udah nya ulih ngaga pengawa nitihka peneka ati sida. Nyentuk ke nipu enda mih ngawa)

Nama kebuah baka nya nadai undang-undang?