Siti Agi Ripot Ti Ngenyit ari ripot ke udah
Ketuai PKR Sarawak, Baru Bian udah meri ke “Jako Jaik” ba sentang reta tengkira ba menua tasik ti diempu Kepala Menteri Sarawak enggau bala ia sebilik, baka ke udah dipandang alam ripot ari Sarawak Report baru-baru tu. Bagi kitai, hal tu sigi ngenyit ke kitai baka ke ripot ke udah dibacha sebedau ari ripot tu, ku Baru Bian.
Tuai pembangkang bisi mega nerang ke pasal cherita ti udah dilalai tauka agi rehsia nyentuk ke saritu. Ditu udah nyedia pasal “beda ti chukup besai” antara Kepala Menteri enggau rayat biasa ba menua Sarawak, serta mega banding antara urang ti pemadu miskin ba Malaysia, enti dibanding enggau pengaya sumber semulajadi ba menua kitai Sarawak tu.
Baru Bian, udah mansik beberapa iti reta tengkira diempu Taib lebuh ia bisi nemuai ngagai menua London baru-baru tu tadi. Kelimpah ari nya, ia mega takut enggai ke reta tengkira ti beungkus bejuta-juta ringgit enda dipansik sida Sarawak Report ba menoa Kanada, USA, London enggau Australia. Semua menua tasik tadi palan endor reta tengkira Taib ti chukup maioh ke udah pulai ngagai pengaya ia. Baru Bian mega sigi enchabar Kepala Menteri tang Taib semina diau diri lebuh ripot ke terubah ia dipansut udah nunjuk bisi pengamat ti bendar alam ripot tu. Taib lalu bedau bisi meri jako timbal pasal ripot nya. Kami deka Taib mantah enti rita nya enda amat serta ia mesti ngambi tindakan enti nyema ripot nya salah. Enti nyema nadai jako timbal pasal ripot nya, dia udah nunjuk sigi ia urang ke bempu semua reta nya. Urang ke bempu sumber nya.
Ia ke penting ngagai kami ia nya ngambi pulai reta ti udah dichuri
Sarawak Report udah meri bukti dokumen ke nyukung semua ripot ke udah dibantai pasal reta tengkira Taib enggau kesemua dokumen nya ulih dipeda bala maioh ba internet. Semua dokumen nya udah rijista enggau sah serta enggau dokumen ari kut. Bukti tu sigi deka disedia serta deka diberi ngagai opis Badan Cegah Rasuah(Opis tagang makai suap) bepangai ba peminta sida opis nya.
Kelimpah ari nya, Baru Bian udah nekan ke siti ari pekara ti pemadu penting bagi Parti PKR kena ngambi alih kuasa enggau berusaha ngambi pulai semua pegaya nya.
“Tu sigi pengaya ti diempu bala maioh serta mulai baru pegaya tu ke udah digaga ba menua Filipina enggau Indonesia lalu mesti diterima serta diasai ba menua Sarawak ditu”. Ketuai PKR mega bisi nerang ke perkara pasal menua China. Kepala menteri begantung penuh ngagai menua China alam pengawa ia begaga ke tekad ai. Sida tu dikumbai urang ke ngerampas reta ba menua China.
Dini endor Sida Cegah Makai Suap(Badan Cegah Rasuah)
Ba kumen ke penudi ia, Baru Bian mansut ke jako pasal pengeleju peminta ia ngagai Badan Cegah Rasuah (Opis tagang makai suap). “Semua utai ke diasai ia ngelamatu pasal pengaya reta tengkira Taib nang sigi sah semua ia nuju ngagai Taib. Sida Badan Cegah Rasuah (Opis tagang makai suap) mesti ngambi tindakan enggau lengkas laban ngelibat pengaya ti besai ke diulih ia alam menua Sarawak. Ia enda ulih majak nyadi Kepala Menteri”. Ketuai PKR mega bisi madah Badan Cegah Rasuah (Opis tagang makai suap) bisi tusah pasal rikut ba baruh perintah ke diatu. Munyi ku jako Bian “Enti nyema kitai deka ngubah semua nya kitai mesti ngubah sapa ke megai kuasa”. Kira ia deka ngelalau semua bala beserakup enggau mekoh ngagai bala penyangkal ba menua Sarawak.