Nama Tuju Najib Meri Satu Juta Ringgit Ngagai Bustari Yusof?

Najib ngupah bakih sama bemain golf iya satu juta ringgit, nitihka penerang ba keretas pansik

Najib ngupah bakih sama bemain golf iya satu juta ringgit, nitihka penerang ba keretas pansik

Siku agi penerima duit tunai ari Najib ti enda direpotka, nitihka sekeda keretas pansik ti dikeluarkan dalam Four Corners ti dipansut ba stesyen televisyen ABC Australia, ianya siku peranak menua Sarawak ti nyadika pemeransang pengawa politik, Bustari Yusof.

Bustari Yusof disebutka udah kala nerima satu juta ringgit ari duit ti udah dipasukka ngagai akaun Najib nengah anak kompeni 1MDB, SRC.
Rayat Sarawak empu ti diberi tangki ai dikena nimbun ai ujan enggau mega mata duit RM50 ke tetiap ruang bilik ngambika ngundi BN ba PRN ti deka datai tu ila, ngumbai duit nya mayuh bendar.

Tang penyampau nya mimit ba Najib enggau Bustari. Najib dipelabaka enda besedia meri Bustari duit ari akaun iya empu, nya kebuah iya ngena duit dalam wang turu KWAP, ti dikeluarka nengah SRC, ke dalam akaun iya empu.

Pekara ti ngeringatka agi ati orang mayuh tu, tang, sebengkah penrang ti baru ti ditemu Sarawak Report ti madahka kompeni enggi Bustari Yusof udah dikena Najib nyintak duit bebillion-billion ringgit, ukai semina ari duit agih RM27 billion ke projek Lebuhraya Pan Borneo, tang ari duit agih dikena melanja pengawa pemeresi palan penyaga pengerai enggau perubat enggai sepital, ti baru udah distruktur ke Bustari.

Kaul ti rapit – Adenan enggau orang kanan Najib, Bustari ti nyadika orang tengah Adenan ngulihka sukung ke Najib

Kaul ti rapit – Adenan enggau orang kanan Najib, Bustari ti nyadika orang tengah Adenan ngulihka sukung ke Najib

Tukang Wang ke parti PBB dulu suba nya udah nyadi kaya raya kenyau ari maya Taib Mahmud nyadi kepaka menteri, udah kala mujur bulih lisin nebang kampung ngena kompeni iya, Sarako, enggau kontrak ti besai-besai nengah kompeni iya KACC mega, tang diatu iya bisi langkar ti besai agi ke menua Sarawak.

Menyadi iya MP Fadillah Yusof endang orang ti regas dalam politik lalu diatu megai pengawa nyadi Menteri Kerja Raya.

Menteri Kerja Raya – penuduk ti manah bendar ke penatai pemisi Fadillah Yusof ti diatu benung ngagihka bala orang iya ba PRN ti deka datai tu

Menteri Kerja Raya – penuduk ti manah bendar ke penatai pemisi Fadillah Yusof ti diatu benung ngagihka bala orang iya ba PRN ti deka datai tu

Iya mega nyadika tuai raban Nembiak PBB di Sarawak. Fadillah udah mujur ngelumuka bala penyukung iya ti dicalunka ke PRN ti deka datai tu ila, ti disadang ulih meri iya pengaruh ti besai enti sema sida nya menang magang ila.

Langgur main sida mudah bendar dibacha, ti endur Fadillah ditemu ngatur singkang iya deka nyadi Kepala Menteri lebuh datai ba maya Adenan Satem nya badu ila.

Langgur nya udah tentu bulih sukung ari Najib ti endang deka nguasa menua Sarawak nengah bala proksi iya.

Sarawak Report kala mantaika skandal meri kontrak ti pemadu besai di Sarawak, ti endur Fadillah ti endang Menteri Kerja Raya udah meri projek nya ngagai menyadi iya empu.

Kompeni Lebuhraya Pan Borneo Sdn Bhd nya enggi Bustari Yusof udah mujur ditagaka ngaga jalai besai nya enggau enda nengah rebut tender baka selama.

Bustari enggau Adenan ba pengerami nikah anak lelaki Bustari – utai pekara ti udah dikereja Kepala Menteri nya dikena nagang pengawa orang dagang ti majak ngerumpak duit orang mayuh di Sarawak

Bustari enggau Adenan ba pengerami nikah anak lelaki Bustari – utai pekara ti udah dikereja Kepala Menteri nya dikena nagang pengawa orang dagang ti majak ngerumpak duit orang mayuh di Sarawak

Tang enggau atur ngerumpak duit ari wang turu menua ti udah ditemu orang mayuh, lalu mega enggau ngubah atur ba kontrak nyaga pemeresi sepital di Sarawak, ba tengah-tengah skandal nya bisi ditagaka sebuah kompeni One Medicare Sdn Bhd, ti, udah tembu PRU nyin kemari, lalu diberi agih sher ari bajet pengawa pemeresi sepital.

60% ari semua kontrak nya diatu udah dilempaika ngagai Metrocare Services Sdn Bhd

60% ari semua kontrak nya diatu udah dilempaika ngagai Metrocare Services Sdn Bhd

Orang ti nyadika pemegai sher dalam One Medicare nya indu kompeni Metrocare Services, nyengkaum Azmir Merican enggau tiga iku ari sida Bustari sebilik.

Rintai raban Bustari Yusof sebilik

Rintai raban Bustari Yusof sebilik

Pengerusi dalam One Medicare, Anthony Bujang ti nyadika CEO dalam Petra Energy Bhd ti enggi Bustari Yusof.

Orang kanan Bustari Yusof, Anthony Bujang dipeda enggau niki ke panggau ba sebengkah pengawa bekaul enggau dagang, ba taun nyin kemari

Orang kanan Bustari Yusof, Anthony Bujang dipeda enggau niki ke panggau ba sebengkah pengawa bekaul enggau dagang, ba taun nyin kemari

Enggau nya, sapa mih ti endang bempu MetroCare? Bisi dua buah kompeni bukai iya nya Pop Media Sdn Bhd enggau OBYU Resources Sdn Bhd!

OBYU Resources ti megai 4/5 ari semua sher, ti kala dibantaika Sarawak Report dulu agi ari tu, udah nyebut indu kompeni sida dalam bantai cherita kontrak besai-besai ke bala kroni. OBYU Holdings Sdn Bhd nya kompeni bisi opis di Sarawak, ti suah bulih kontrak ba perintah Sarawak.

Chukup nyelai – Bustari nya to ngempu iya …

Chukup nyelai – Bustari nya to ngempu iya …

Reti nya Bustari megai 48% sher dalam One MediCare Services, enggau kontrak besai-besai, ti udah ditagaka ngagai sepuluh taun da agi.

Nyerumba nya Pop Media Sdn Bhd, ti sebagi ari kompeni nya diempu SEDC, betuaika Soedirman Bin Ali.

Anak lelaki Najib, Norishman enggau anak lelaki Bustari, Subky, benung beperindang ba sebengkah pengerami

Anak lelaki Najib, Norishman enggau anak lelaki Bustari, Subky, benung beperindang ba sebengkah pengerami

Soedirman Ali udah narit perati bala pengarang berita ba pun taun tu tadi lebuh anak indu iya, Tidia Norain, belaki anak lelaki Bustari, iya nya Subky Bustari ba sebengkah pengerami nikah ti rami bendar, nyau ka sebaka enggau pengerami nikah anak bala raja. Pengerami diatur di KL enggau di Kuching, ti endur Adenan mega bisi diambi ngabang.

Pegawai komunikasyen ke Najib ti bekontrovesyel, Paul Stadlen duduk sama enggau Nooryana, anak indu Najib, ti endur anak indu Najib nya dirami besai agi ari enggi anak lelaki Bustari nya

Pegawai komunikasyen ke Najib ti bekontrovesyel, Paul Stadlen duduk sama enggau Nooryana, anak indu Najib, ti endur anak indu Najib nya dirami besai agi ari enggi anak lelaki Bustari nya

Bala orang ti dalam raban nya madahka strategi nya terang bendar. Najib deka nguasa menua Sarawak, enggau bantu ari Bustari Yusof seduai Adenan Satem, tang iya ke beguna agi nya tuju ke deka nganti Adenan ngena Fadillah Yusof ila.

Penuduk Bustari dalam raban bala bakih Najib – ti mega bakih sama kereja enggau bini iya, Rosmah

Penuduk Bustari dalam raban bala bakih Najib – ti mega bakih sama kereja enggau bini iya, Rosmah

Enggau chara tu, munyi sekeda sada nyawa orang dalam PBB empu, Najib deka mai kuasa UMNO sida ke menua Sarawak, sebaka enggau pengawa ti udah dikereja ba menua Sabah.
Penuduk Fadillah dalam raban UMNO di Malaya udah ngasuh sekeda penyukung BN di Sarawak irau, laban enggai ke sida nya nyadika perengka dikena UMNO ngerampas menua Sarawak ngena pengaruh politik Fadillah sereta nyadi kubu tegap ke ekonomi Bustari.

Orang ti pemadu mayuh megai sher dalam kompeni

Orang ti pemadu mayuh megai sher dalam kompeni

Sebengkah kompeni ti belalai di belakang sebengkah da kompeni, ti digela ngena nama Fieldmart Sdn Bhd, ti diempu dua iku orang diri menyadi. Siku ari seduai nya orang ti kala bekereja ba bank lalu siku agi udah kala bekereja ba kompeni Simfoni Dua Sdn Bhd, ti endur seduai nya sama nyadi Pengarah.

Siku ari pengarah kompeni Simfoni Dua nya Abdul Karim Hamzah ti udah kala nyadi sektretari politik ke Taib Mahmud.

Pemeri ke Karim Hamzah?

Pemeri ke Karim Hamzah?

Abdul Karim Hamzah kala nunjukka sukung ngagai Taib Mahmud bekaul enggau topic ti ngena kaul politik dichampurka enggau pengawa bedagang. Ba Karim, nadai penyalah sapa-sapa menteri bisi kaul enggau pengawa dagang.

Enda agi diambi bekereja, tang agi megai sher dalam kompeni?

Enda agi diambi bekereja, tang agi megai sher dalam kompeni?

Nya alai, engka Abdul Karim Hamzah ulih nerangka ngagai bala pengundi di Sarawak nama kebuah iya tau nyadi pengarah dalam kompeni Simfoni Dua lalu nama pengelandik iya ba batang pengawa dagang iya nya?

Laban bala pengundi patut nemu, tu mih chara BN merambuka pengawa dikena mela orang di sepital di menua Sarawak ke pengelama sepuluh taun da agi, nengah kontrak ti besai bendar ti diberika ngagai Bustari.

Bala pemacha tentu deka nemu baka ni Menteri Pekara Pengerai ti dulu suba, ti mega Sapit Kepala Menteri, George Chan Hong Nam, udah nerima kontrak dikena ngaga sepital, sebedau Sarawak Report nuliska cherita pasal iya lalu udah nya bala pengundi iya udah mechat iya ba PRN ke dulu suba – Bacha Ditu

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments