Wang Turu Jynwel Enggi Jho Low – Dicuri Ari 1MDB Diberi Ngagai Amerika

Jho Low, siku nembiak peranak Pulau Pinang udah nyadi tebilang dalam taun 2009, lebuh sekeda gambar iya ngayanka iya benung beperindang berami enggau bala selebriti tebilang dunya baka sida Paris Hilton, lalu diayanka dalam suratberita pemerindang di menua Amerika. Tu ayan udah bekau iya enchuri US$700 juta ari 1MDB.

Ba taun ti nangkanka nya Jho Low bisi ditemu melanja sekeda pengerami ti besai-besai ti bedau kala dipeda orang di nengeri Las Vegas, Hollywood enggau San Tropez.

Jho Low rindu ngayanka diri nyadi orang ti rindu ke pengerami

Jho Low rindu ngayanka diri nyadi orang ti rindu ke pengerami

Dikena iya nyeruri imej tunsang iya ba mata orang mayuh, lebuh skandal 1MDB udah dikusaika lalu disadang tau ngerusak iya empu, dia iya lalu ngena chara PR ti bejaga-jaga, lalu nyadi orang ti gerah jari, enggau chara meli sukung ari bala penyukung iya ti bepengaruh dalam atur nya.

Ba taun 2012 suba Jho Low ngelancharka Wang Turu Jynwel Charitable sama enggau menyadi lelaki iya, Zhen Low.

Pengudah nya iya dipeda bebendar amat ngelalaika gaya idup orang kaya – ti endur ba maya dudi ila pengerami ti diatur iya nya deka digaga likun agi lalu bala pengabang iya deka ditapis dulu laban enggai ke manggum cherita pasal utai ti nyadi maya pengerami nya.

Enggau chara ngelalaika pengerami iya, Jho Low udah mantaika diri nengah media sosial ngena pemai ti bebida. Sarawak Report udah nyidi pengawa iya ti ngenataika pemeri lalu udah mujur ngerintaika mayuh bengkah pemeri baka ti dipansutka wang turu Jynwel nya.

Taja pan Jynwel nya bisi indu opis di menua Hong Kong, laman web sida nunjukka baka ni duit udah dipindah nyadika pemeri ngagai gerempung pengasih di menua Amerika. Mayuh gerempung pengasih nya beguna bendar, tang bala rayat Malaysia bisi kuasa betanya nama kebuah duit ti ngemayuh nya enda dipelanja di menua sida empu.

Rayat Malaysia ngena Twitter betanya ngagai Jho Low nama kebuah iya enda ngulurka duit bantu iya di Malaysia

Rayat Malaysia ngena Twitter betanya ngagai Jho Low nama kebuah iya enda ngulurka duit bantu iya di Malaysia

Entara gerempung pengasih ti dibantu Jho Low nya Panthera, National Geographic, MC Anderson Cancer lalu mega ngangkatka pemanah Komunikasyen entarabansa enggau pengerembai isu ti bisi kaul ngagai tagit global UN enggau proses pemansang udah ngelebus 2015 (ngena wang turu UN).

Kami bisi bendar pengarap ke rintai pekara tu ukai rintai ti penuh lalu enggau nya kami arapka bala pemacha kami tau nambahka isi rintai tu:

Tang manah agi enti sema duit nya dipelanjaka di Malaysia

Tang manah agi enti sema duit nya dipelanjaka di Malaysia

– Children’s National Hospital,
– Earth To Paris,
– Gabriel’s Angels Foundation,
– Global Daily,
– IRIN News,
– Keep A Child Alive,
– Mashable Social Good Summit,
– MD Anderson Cancer Care,
– Motion Picture Television Fund,
– National Geographic Pristine Seas,
– Panthera,
– United Nations Foundation,
– We Are Here Movement.

Wang Turu Jynwel nadai ngeluarka penyampau pemeri ari sida ba laman web sida, lalu nya alai enda terang ba penyampau udah diberi sida, tang penerang di baruh tu lagi ulih dikena ngaga peragam pemayuh duit sida udah dipindahka ngagai menua Amerika.

– Dalam tahun 2014 Jynwel besemaya deka meri US$80 juta semanjai 10 taun ke pengawa ngintu mayau kampung dunya enggau sistem ekologi raban jelu nya.

– dalam taun 2014 Jynwel besemaya meri US$ 50 juta ngagai palan MD Anderson Cancer ke program terebai ke bulan sida.

– dalam taun 2014 Jynwel besemaya deka meri US$1 juta ba aum besai Mashable Social Good.

– dalam taun 2015 Jynwel udah besemaya meri duit penulu US$25 juta dikena nyukung projek laman web Media Kemanusiaan enggau Analisa IRIN.

– Jho Low enggau kompeni Jynwel udah dirintaika dalam laman web Wang Turu Motion Picture Television laban udah meri sukung ba penyampau US$20,000.

Bedau tentu lama tu udah Jho Low ngayanka diri ba orang mayuh ba pengerami nyuaka duit bantu enggau pemeri di US

Bedau tentu lama tu udah Jho Low ngayanka diri ba orang mayuh ba pengerami nyuaka duit bantu enggau pemeri di US

Duit pemeri ari Jynwel mega udah ngujungka Jho Low nentuka diri empu duduk ba mayuh bengkah lembaga pengarah dalam gerempung-gerempung ti dibantu iya nyengkau dalam IRIN, The Anderson Assembly, Children’s National Health System, Panthera, Gabriel’s Angel Foundation enggau National Geographic.

Bedau tentu lama ke udah Jho Low ditemu bisi meli asil pengelandik jari ba rega ti mar nyengkaum gambar “Dustheads” ti dilukis Basquiat ba rega US$49 juta enggau asil enggi Richter ba rega US$46 juta. Ba bulan Lapan, di San Tropez mega Jho Low bisi meri patung begamal Lichtenstein ti mar bendar rega dikena ngulihka belanja ba ti dikemataka bakih iya Leonardo Dicaprio.

Jho Low diayanka nyadika siku pemeri, ba laman web ti disukung iya

Jho Low diayanka nyadika siku pemeri, ba laman web ti disukung iya

Dalam bulan April 2015 Jynwel Foundation enggau Thomas Reuters udah nesau pasal dagangkunsi sida enggau Wang Turu UN.

Laman web enggi Global Daily udah dilancarka lalu pengawa nyuaka pemeri Jho Low udah diayanka ba laman web nya.

Rayat Malaysia bisi kuasa betanya nama penetap ti dikena sida nerima pemeri ari Jho Low enggau Jynwel nya.

Sarawak Report udah ngirumka tanya ngagai UN Foundation enggau Global Daily tang datai ke sehari tu lalu bedau bulih saut ari sida. Kami mega bisi ngenataika tuduh penemu kami ba laman Facebook sida:

Ba bulan Disember tu tadi Sarawak Report udah meri tuduh penemu ngagai Global Daily ti madahka pengawa sida ti ngangkatka pemanah nama enggau pengawa Jho Low nya deka ngujungka sida napi jaku kutuk ari rayat Malaysia

Ba bulan Disember tu tadi Sarawak Report udah meri tuduh penemu ngagai Global Daily ti madahka pengawa sida ti ngangkatka pemanah nama enggau pengawa Jho Low nya deka ngujungka sida napi jaku kutuk ari rayat Malaysia

Sida udah betindak balas enggau jampat ke jaku tuduh penemu kami nya lalu sida beguai-guai madamka pos kami nya … nya alai kami ngumbai sida udah meretika jaku tuduh enggau tangkan kami nya, tang kami tetapo mgumbai sida enggau mereti. Ke bendar iya sida udah meri kereja sama enggau penchuri tu, ti mengkang takut nyaman enggau nawa kami ketegal ngela iya enggau nama penchuri.

Wang Turu UN nya patut nemu Jho Low enggau kaul iya dalam sebengkah pengawa salah kleptokrasi pemadu besai dalam sejarah dunya ti benung dipansik agensi penerit undang-undang entarabansa nyengkaum raban FBI di menua US.

Lebuh nyau datai ba maya bechara ila bala pemesai dalam UN ti betanggungpengawa nya deka dibantaika ketegal ngaga kaul enggau Jho Low ti penchuri nya.

Sida patut nemu Jho Low nya bedau kala dipechara nya siku orang ti kaya ti endur pun penatai duit iya nya nyadika pengirau ati orang mayuh di Malaysia.

Nuliska tweet iya pasal pemeri iya ngagai Yayasan UN

Nuliska tweet iya pasal pemeri iya ngagai Yayasan UN

Pansik deka nunjukka pengawa Jho Low ti nabanka duit ti mayuh bendar ari 1MDB.

Sarawak Report enda ngetu ningaka baka ni Yayasan UN, ti bempu tanggungpengawa ngatur kempen nyaga rampa menua enggau mega kuasa pengelantang mensia, udah buya nyambut pemeri ari seraban kleptokrat ti udah puas bulih penguntung ari pengerusak Kampung Borneo enggau bekerugaka pengidup orang bansa asal di endur nya.

Baka ni orang bansa asal di menua pesisir di Malaysia ti andal sereta arapka perengka dikena ngintu pengerai enggau pengawa pelajar

Baka ni orang bansa asal di menua pesisir di Malaysia ti andal sereta arapka perengka dikena ngintu pengerai enggau pengawa pelajar

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments