Chara-Chara Gestapo Ti Dikena Raban Tuai Tiga Sebuat UMNO Semina Mantaika Penyalah Iya Ti Ngereja Nya

Troika ti baru nyengkau bos ti enda ofisyel (begari gadung)

Troika ti baru nyengkau bos ti enda ofisyel (begari gadung)

Enti raban tuai UMNO enda ulih ngelalai sebarang utai ti patut dilalaika sida nama kebuah sida nya berupai bendar ngembuan pendiau baka raban soldadu Gestapo bak ti diperatika rayat Malaysia dalam dua-tiga hari tu?

Lalu enti dokumen-dokumen ti kala udah dicelak Sarawak Report nya pelesu tauka ‘udah dikachau’, nama kebuah raban tuai UMNO tu udah beserungkaika opis-opis perintah lalu nangkap sereta mansik semua bala pemansik perintah ti benung chakah mansik 1MDB ketegal, kenu ku sida, “mantiska resia chara ti salah”?

Penyelai iya, enti Najib berasai likun lalu tetap ati iya enda besalah, nama kebuah iya enggau bala iya bisi pengirau ati?

Sida tu udah milih ngena penuduk sida, kelimpah ari ti mansutka saman naburka berita bula nengah raban lawyer sida dikena ngerusak penulis Sarawak Report.

Tang sida lalu bedau ngereja tu nengah kot.

Baka tu mih munyi batang berita di menua Malaysia kemaya hari tu

Baka tu mih munyi batang berita di menua Malaysia kemaya hari tu

Tang bida iya, sida udah ngena tindak baka orang ti udah puntan penemu lalu berupai bebendar ngelalaika mayuh bengkah penyalah, beduan orang lalu ngerusak mayuh bengkah penerang besurat ngena jaku emba to madahkan tindak ti kasar deka dikena ba sapa-sapa ti agi deka berandauka isu ti ngusaika but sida.

Peda, baka ni tiga iku tuai tu ngerisingka ngeli sida lalu ngenggam buku jari sida beberapa jam ke udah tu.

Zahid Hamidi, pasak roda ti baru dalam perintah kukut besi Najib, ti nyadi Menteri Menua enggau Sapit Menteri Besai udah belabuh nyadi tukang keduan enggau penegerusak kuasa pengelantang mensia enda salah-salah siku ukui ti mangah, mansutka jaku arah iya nangkap lalu ngerusak pemanah nama Najib di menua-menua tunga ke Barat.

Enggau chara ngumbai diri siku “fundamentalis Islam” Zahid, kemari, udah ngemba raban pengarang berita.

Gaya tabi tuai soldadu ti rama? Zahid kala ngumbai diri ‘fundamentalis Islam’

Gaya tabi tuai soldadu ti rama? Zahid kala ngumbai diri ‘fundamentalis Islam’

Enggau jaku nya orang mayuh di Malaysia mereti ke emba Zahid ngagai raban media ti ngasuh sida badu agi nuliska repot pasal isu 1MDB ti benung manggang bos iya nya.
Dunya diatu udah nemu, media nadai agi bebas lalu nadai agi undang-undang ti bendar.

Lebuh dunya ngeringkak beratika Malaysia, manah agi kitai nenung ke belakang ngagai beberapa iti penerang ti nyengala ti udah kala dipansutka raban Gestapo tiga sebuat tu.

Ambi ke banding, lebuh Najib bejaku ba mua orang mayuh ba pun taun tu tadi iya ngasuh orang patut “betindak baka soldadu penyelawai ISIL” lalu ngayanka penaluk ngagai iya.

Kemari Najib nandu baru sentimen jaku iya nya, seraya ke iya ngutuk keruga “orang putih ari menua bukai”. Udah nya Najib madahka diri beguna agi ke bala orang ti taluk ngagai iya kelimpah ari bala orang ti nemu gawa ti diasuh iya bekereja dalam opis-opis perintah.

Semua jaku nya dikumbai kasar lalu nadai bebasa ke kuasa pengelantang mensia.
Nama kebuah siku tuai ti lama udah nguji nirika sebuah menua ti moden sereta maju tau enda mukai-mukai mansutka penerang munyi jaku siku apek bayat?

Najib, kami tu ngena kuasa pengelantang mensia kami nuliska repot lalu nuang empu ti madahka diri kena “bantaika”. Lalu “penanggul” ti ku nuan nya nunjuk ngagai penyalah ti dikereja nuan enggau bala nuan.

Baka ni perening dunya lalu baka ni asai ati rayat Malaysia ti benung diperintah siku tuai ti ngemalu sida?

Siku ari raban sida tiga nya (enggau kaban kabinet), Menteri Pengelikun Menua, iya nya petunggal Najib empu, iya nya Hishamuddin Hussein, diatu dipeda baka ti bisu dalam beberapa hari tu.

Begedi ke menua Barat, siti chara idup baru ke menua Malaysia dibai Najib?

Begedi ke menua Barat, siti chara idup baru ke menua Malaysia dibai Najib?

Tu udah ngujungka kuasa-kuasa ti mata labuh ngagai jari Najib, sapit iya enggau mega petunggal iya seagi-agi iya (enggau bini iya ti nyadi “bos besai” bepaut ba pemerintah UMNO.

UMNO endang lama udah bejalaika chara perintah keminis lama Soviet, baka ti ditemu orang mayuh.

Enggau gaya ekonomi menua ti majak tendu, ukai semina ketegal penyalah raban tuai, Malaysia tetap deka masuk ngagai rambau pemetang ti tuai iya majak ngena chara dictator lalu ngajar rayat iya begedika orang menua bukai.

Enti menua Malaysia majak betuaika Najib/Rosmah – sebengkah menua ti balat korup tentu deka bediri ti endur bala pengarang berita ditutup muliut sida, lalu ari nya Malaysia tentu nyadi sebuah menua ti deka nganjung semua aanak indu iya bekereja bekuli di menua bukai ti semak-semak enggau iya, kelimpah ari menua-menua bukai nya majak ngetu bejalaika dagang enggau iya.

Malu bendar enti Malaysia masuk rambau tu enti lalu ditejuka, tang enti nya dikedeka Najib, awakka iya majak bepagut ba kuasa lalu seruran dilindung ari isu ti bejakuka 1MDB.

Tu ukai kuasa Sarawak Report ti semina laman blog tti mit nentuka pejalai penyadi utai siti-siti, munyi ke ditusui bula Najib ba mua orang Mayuh.

Tang kami ngasaika kami bisi kuasa lalu tau nuliska sebarang repot ti bekaul enggau sekeda isu ti ngeruga kuasa pengelantang mensia.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments