Akai ‘Dai Jho Low ! – GAMBAR NUSUI PASAL SEMUA UTAI

Dikirumka pemantu di Opis Menteri Besai, Wan Shihab ngagai Tarek Obaid

Dikirumka pemantu di Opis Menteri Besai, Wan Shihab ngagai Tarek Obaid

Gambar tu nusui pasal semua utai ti dikereja sekeda orang ba pengawa numbuhka dagang kunsi 1MDB enggau PetroSaudi.

Dipeda gaga bendar ati nunga kamera seraya sida ngelantangka ati belayar di tasik Selatan Peranchis nepan kapal layar pemadu mar di dunya, Tatoosh (ti disewa enggau bayar $500,000 seminggu) nya sekeda ari orang ti bekait rapat engga dagang kunsi nya.

Ari kiba nya Putera Truki, orang ti bempu PetroSaudi; Jho Low, penyungkak dagang unsi nya; Menteri Besai Najib enggau Rosmah; anak lelaki seduai iya, Nor Ashman; Pengarah dalam PetroSaudi, Tarek Obaid enggau anak indu ti dikesayaukanRosmah, iya Nooryana Najwa.

Gambar nya dikirumka ke tanda pengingat begulai bebala mayuh maya kemisi ulih Wan Shihab, siku pengereja pengawa ke Menteri Besai seduai Rosmah, ngagai Tarek Obaid enggau Jho Low (nitihka data ti celak ba gambar nya) ti diambi dalam bulan Ogos 2009 ba sebengkah langgur endur numbuhka dagang kunsi nya.

Apuu!! Maya benung berandau ba atas dek kapal layar pemadu berega di dunya!

Apuu!! Maya benung berandau ba atas dek kapal layar pemadu berega di dunya!

Gambar nya siti ari pemayuh-mayuh gambar ti dikirum-kirumka ngagai Jho low, Putera Turki enggau Tarek Obaid ba bulan Januari taun siti, terima kasih ke pengawa badas Wan Shihab udah ti dipinta nengah mayuh emel.

Semina dalam tiga minggu udah ti belayar nya Tarek Obaid ti nyadika Pengarah dalam PetroSadi, enggau siku orang dagang British Patrick Mahony, nemuai ke nengeri New York laban betemu enggau Jho Low ngambika belabuh bejuraika perambu numbuhka dagang kunsi nya enggau lampat.

Kena 29hb September 2009, sepenyamau satu billion ti diinjau ari duit dalam wang turu menua udah dipindahka ari 1MDB ti patut dikena melanja pengawa begigaka minyak ti dikereja kompeni dagang kunsi ti baru ditumbuhka nya, 1MDB PetroSaudi.

Pengerami ti mit muka buah jari

Pengerami ti mit muka buah jari

Tang, genteran-genteran dalam sempekat dagang kunsi nya udah ngemendarka USD$700 juta ari semua duit puku nya diinsap pansut nyadi bayar duit jali ngagai indu kompeni PetroSaudi International (Cayman).

Duit ti ngemayuh nya udah dipasukka ngagai akaun bank Zurich enggi kompeni Good Star Limited, ti mega sama berejista di Cayman, ti dikemataka Jho Low.

Ba sepemanjai pengawa dagang kunsi tu, mayuh emel enggau penerang bedokumen udah mujur ditemu bala pemansik datai ke ba tikas entarabansa, Jho Low ti nyadika orang tengah ke Menteri Besai Najib Razak enggau PetroSaudi.

Menteri Besai Malaysia ngumbai kapal layar Tatoosh nya enggi Putera Turki, tang ke bendar nya kapal layar nya disewa dikena narit perati

Menteri Besai Malaysia ngumbai kapal layar Tatoosh nya enggi Putera Turki, tang ke bendar nya kapal layar nya disewa dikena narit perati

Ulih nuan ngirumka sekeda ari gambar ke dipeda kami ditu?

Ulih nuan ngirumka sekeda ari gambar ke dipeda kami ditu?

Sarawak Report bulih penerang ti endur atur belayar ngena kapal dikena ngaga pelasar ke dagang kunsi ke 1MDB lalu Menteri Besai enggau bini iya udah teempaka taju Jho Low ti nusui pasal orang Arab ti bempu kompeni PetroSaudi.

Najib enggau bini iya udah dikemulaka penerang ti madahka kapal layar Tatoosh, udah disewa dikena narit perati seduai melaki bini nya, enggi Putera Turki, orang ti endang bempu kompeni PetroSaudi.

Tang ke bendar iya PetroSaudi semina bisi duit puku dagang ti enda mayuh lalu Putera Turki, ti nyadika anak ke lumur 7 ke Raja Arab ke suba, ukai tau dikumbai bisi kuasa atas pengaya sida sebilik.

Belayar di tasik di Selatan menua Peranchis

Belayar di tasik di Selatan menua Peranchis

Jho Low enggau bala bakih dagang iya endang sepenemu ngasuh Menteri Besai nya ngumbai diri deka beranakka puku dagang dalam sebuah kompeni ti besai bendar ti enggi raban Raja menua Arab sebilik, ngambika dagang kunsi nya dikelala orang bisi dipelanja menua Arab Saudi.

Tipu enggau keduan nya ngasuh malu bendar. Tang nya udah mujur dikereja lalu enda lama udah nya wang turu pemansang Malaysia, ti dikemataka penuh Najib, udah beranakka puku dagang beratus-ratus juta dollar ba pengawa ngulihka minyak di menua Venezuela.

Kapal layar pemadu mar di dunya, diberi gela Tatoosh

Kapal layar pemadu mar di dunya, diberi gela Tatoosh

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments