Belalaika Semua Utai – Najib Nyeliahka Diri Ari ‘Randau Mantaika Semua Utai’ Pasal 1MDB!

Najib nyeliahka diri ari niki ngagai panggau lalu nejuka siku pemesai ngaga sadang .... nyentukka raban polis ngaga pemutus ti lain ari nya

Najib nyeliahka diri ari niki ngagai panggau lalu nejuka siku pemesai ngaga sadang …. nyentukka raban polis ngaga pemutus ti lain ari nya

Sapa nyadang meda ubah Dr Mahathir nyadi ‘Wira Rintangan’, dibai nurun ari panggau endur bejaku pagi tu ari asuh Tuai Polis Menua (IGP)?

Politik di menua Malaysia diatu udah nyadi cherita wayang ti tunsang beberapa minggu tu udah, enggau tebantai cherita-cherita bekaul enggau skandal 1MDB ti mayuh diayanka dalam portal berita internet ti nyau deka ninting hari.

Lalu tiap iku orang deka betanya, sekali ke Menteri Besai Malaysia nya ulih idup bechampur enggau skandal pemadu besai di Malaysia, enggau semina mansutka jaku arah ngena kuasa eksekutf iya lalu enda ibuh nguji bekelikuh mayuh jaku tauka nguji meresi nama enggau penduduk iya?

Mahathir ngasaika pait-manis ulah iya empu lebuh iya dibai pansut enggau chara pejal bala polis – lalu udah nya dipasukka ngagai rumah jil?

Mahathir ngasaika pait-manis ulah iya empu lebuh iya dibai pansut enggau chara pejal bala polis – lalu udah nya dipasukka ngagai rumah jil?

Najib diatu udah betemu enggau ujung jalai 1MBD. Diatu udah mayuh bendar penerangg ti udah ditemu orang mayuh lalu iya disadang enda ulih bebula ke semua penerang nya.

Ba cherita wayang sehari tu nya nyadika penerang Najib enda ulih agi napi mayuh jaku tanya lalu iya mega sanggup lari ari ditanya pasal kaul iya enggau Jho Low bekaul enggau pengelenyau duit menua bebillion-billion ari 1MDB.

Atur pengawa nya semina dikena mantaika pengawa tanya enggau saut dikena bejuraika topik ti benung angat dikerandauka orang mayuh diatu, ngena topik “Nothing to Hide” (Nadai Utai Dipelalaika” ba sebengkah pengawa mesra NGO.

Tang lebuh orang mayuh nemu pasal atur pengawa tu, mayuh agi orang datai kenyau ari tumu pagi nya.

Najib disadang deka ngasaika bida ngemataka penatai bala orang mayuh ngulu pengawa nya ti enda dipelanja iya empu, bebanding enggau beribu-ribu iku orang ti dipelanja sereta diberi iya tambang, elaun enggau baju-T pechuma. Bala orang ti datai nya mega ukai bala orang ti dikedeka iya.

Bala orang ti disadang deka nanya iya nya nyengkaum Dr Mahathir empu enggau sekeda raban pengkritik ti endang nemu bendar pasal skandal nya ti endang datai bebekalka jaku-jaku tanya ti mudah, tang mar bendar ditapi Najib Razak.

Ambi ke banding, nama kebuah 1MDB madah ngagai Bank Negara Malaysia nya sida udah mindahka duit ba penyampau USD$1.19 billion ngagai kompeni dagang kunsi sida, PetroSaudi, taja pan ke bendar duit nya dipasukka terus ngagai akaun bank Switzerland ti dipegai bakih rapat iya, Jho Low?

Terang bendar Najib enda terundingka saut ti engkeman, tauka iya kala udah meri saut iya dalam rumah aum parlimen, kelimpah ari ti nganjung bala sapit iya awakka mutar-mutarka ensera pasal pun pekara ti udah disungkak.

Iya mega dipeda puntan ngurangka jaku bantah sekeda orang ba iya. Iya kala nguji, tang iya enda kala mujur, laban udah mayuh penerang enggau pengamat pasal pengawa iya ti nyadi pengarah ke raban penyanding penemu dalam 1MDB nya.

Najib udah saru penemu laban maduka diri empu nyadi pemegai sher lalu nyadika orang ti ngaga pemutus penemu ba wang turu nya, awakka, kenu ku penemu iya, iya bisi kuasa ngemataka semua duit injau nya.

Tang kuasa penuh nya tentu iya begunaka tanggungpengawa penuh iya mega.

Udah bekau 1MDB tebantai bisi penanggul berutang bebillion-billion ringgit ti udah dipasukka ngagai akaun bank enggi Jho low, Najib udah ngeluluka diri iya semina nyadi pemerati, lalu semua jaku tanya bekaul enggau 1MDB ti dibelit utang nya patut ditanya ngagai bala pemesai ti bekereja di baruh kuasa iya.

Tang kelulu nya udah tebantai nyadika pemula kenyau ari beberapa minggu dulu ari tu.
Siti agi pemula ari Najib ti udah tebantai nya, pengelenyau duit ari dagang kunsi PetroSaudi nya udah disimpan dalam akaun bank Brazen Sky enggi 1MDB di BSI di Singapura.

Ke bendar iya, ukai munyi nya, kenu ku Sapit Menteri Pekara Wang Menua ti udah tepejuh ngubah jaku iya – nadai duit dalam akaun nya ti tau disebut nyadi duit tunai.

Najib suah udah nguji ngena mayuh macham chara ngelepaska diri: meri jaku arah bekelulu ngagai Auditor General bejalaika pansik (ti bekereja di baruh opis iya empu); enggau chara madahka duit nya bisi datai ari endur bukai dikena nganti penegelenyau duit nya (baka ari Tabung Haji), enggau chara-chara ti bukai ti mar bendar diterima akal.

Tang bala orang ti mantah iya, ari raban parti penyakal enggau mega ari parti UMNO iya empu mega mengkang enda tendu laban enggau meda wang turu menua enggau rayat mayuh kena tipu.

Kelimpah ari ti mutar-melitka cherita iya, bala orang ti mantah iya nya, ngenataika jaku tanya, nama kebuah Menteri Besai nya enda ngeluarka waran tangkap enggau waran pechara dikena nawa bakih dagang iya empu ti suah nyadika buah mulut orang mayuh, Jho Low?

Diatu, sekali agi Ketua Polis Negara nyau tepejal ngelindung iya kelimpah ari ti ngintu pengelikun mensia mayuh, lalu nyadi penchachai iya.

Udah bekau Najib enda ulih ngenataika diri, lalu nejuka bala orang mayuh nganti penatai iya lebih dua jam, dia Ketua Polis Negara tepejal ngeluarka penerang madahka pemutus Najib, kenu ku iya, bisi bekaul enggau ‘undang-undang sereta pengelikun menua’.

Udah nya Najib empu mansutka dalih iya laban enda ulih datai maya nya laban Tuai Polis nya udah nagang iya nurun lalu ngasuh iya nyima.

Nitihka baka ti bisi ayan dalam video dalam internet, orang mayuh dipeda enda ragak, duduk jenuh sereta sabar lebuh sida dalam Dewan Tun Hussein Onn pagi tu tadi – laban ngira diri kena pejal nganti lama sebedau sida nemu Menteri Besai enda ulih datai ngagai pengawa pagi nya.

Udah ny Dr Mahathir nimbal peminta orang mayuh ngambi niki ngagai panggau ti lama udah puang nya.

Penanggul nyadi lebih raban polis niki ngagai panggau lalu ngasuh Dr Mahathir ngetu bejaku lalu nurun ari panggau nya laban kenu ku sida, sida bisi nerima penerang madahka keruga ba pengelikun bisi udah belabuh.

Orang mayuh ti udah duduk jenuh tadi lalu belabuh ringat lebuh polis nguji ngasuh Dr Mahathir maya iya nyebut pasal Jho Low.

Dr Mahathir udah nya lalu limping ari buah kenang nya awakka endur iya ngasuh orang mayuh diau jenuh baru lalu iya besemaya deka bejaku ngagai bala pengarang berita udah nya.

Rayat Malaysia ditejuka nyangka nama agi lambar cherita ti deka dipeda sida dalam drama politik ti nangkanka tu?

Orang mayuh ti ulih duduk enggau jenuh sepengelama lebih dua jam nya dikumbai ‘pengeruga pengelikun orang mayuh’

Orang mayuh ti ulih duduk enggau jenuh sepengelama lebih dua jam nya dikumbai ‘pengeruga pengelikun orang mayuh’

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments